正面一樣，背面不一樣
今次 Letv 一次過發佈了三款手機，中國大陸名為超級手機 1 、超級手機 1 Pro 及樂 Max，照香港人嘅習慣，就係 X600、X800 及 X900 啦。三款手機其實用上差不多的設計語言，最大特色就係用上極窄嘅邊框，只要把機開著，一睇就知用緊樂視手機啦。不過咁，你要分係 X600、X800 定 X900 就有難度，因為正面係同一個設計語言，版主說看官圖跟本分不到，版主 Keith 現場睇，三部拍埋，若不是有大細之分，跟本分唔到。其實，後兩款是跟 HTC One M9 與 iPhone 6 一樣，用上金屬一體式機身，所以一反轉機身，你就會認得。雖然說三部設計語言差不多，但係三款規格都大不同，尤其係「入門版」X600。樂視超級手機 1 : X600 採用 MTK Hellio X10 八核心處理器，呢粒就係早前 HTC One M9＋、E9、E9+ 用緊嗰粒，不過，佢用左 3G RAM！X600 是入門版，應該因為佢只係用上 5.5 吋芒及只有 Full HD 解像度。相機方面，Sony 感光元件，千三萬像素鏡頭，估計是 IMX214 系列，跟好多 Flagship 機都係一樣。「入門版」X600 可能因為配上 Full HD 芒，跟早前我地分享過 2K 芒嘅 M9+ 不一樣，真機嘅 AnTuTu 跑分真係過五萬架。最好笑係，X800、X900 嘅跑分都比唔上佢，所以，買「入門版」其實也唔差架。
至於 1 Pro 及 Max (X800 及 X900) 兩部都係行 Qualcomm S810 64bit 八核心處理器、2k 屏幕、4GB RAM，分別係屏幕大細，而樂 Max X900 還包括了機背指紋認証、用上 6.33 吋嘅 Sharp 出品屏幕及跟 Sony Xperia Z4 同級嘅 IMX230 感光元件二千一萬像素相機。但可能因為用上 2K 芒，係 AnTuTu 跑分只有四萬七千左右，但其實已係好好架啦，只要未突破五萬咁囉。
▲ Letv 樂視超級手機三兄弟，前面也是一樣的。左至右是 1 號 X600、1 Pro X800 及樂 Max X900。
▲ 機背就可以分得出，X800 (中間) 及 X900 (最右) 機背也是金屬機身來。
▲ 比較可借是 Max X900 也是採用火山口設計嘅鏡頭。
▲ 版主覺得 1 號機 X600 手感是最好，幾乎無邊嘅屏幕亦係令人讚嘆。
▲ 1 號機 X600 的機背也很不錯。
▲ 三部機用上了 USB Type C，最大問題是跟本來 MicroUSB 不兼容，要用 adpator 處理。
▲ 用上 MTK Hellio X10 處理器嘅 X600 跑分最強。
▲ 用上 Snapdragon 810 處理嘅 1 Pro X800，AnTuTu 得分四萬八，只是跟 Note 4 差不多。這應跟他用上 2K 芒有關係。
▲ 用上 Snapdragon 810 處理嘅 樂 max，AnTuTu 得分更低，這應跟他用上 2K 芒，再係 6.33 尺吋有關。不過，其實跑分都係好 Top，用上來應不會 Lag 吧。
EUI ＝ iOS + BlinkFeed
Letv 樂視超級手機，一如其他中國大陸品牌出品，都好有自己一套...UI。三部機都用上建基於 Android 5.0.2 嘅 EUI 即生態 UI。你問版主有乜感覺，就係一個都係無 App drawer 嘅 UI ，跟 iPhone 相差無嘅感覺。不過，因為樂視本身以視頻音樂服務出身，所以手機其實定制了不少跟他有關係嘢，如把手機介面向左撥，會進入一個好似 HTC Blinkfeed 嘅閱讀介面，叫做「樂見」，但內容全部係樂視頻道嘅內容更新，即係 All About Letv。而 Android 手機本身屏下方中間位置嘅 App Drawer，變了樂視頻道快速進入鍵，若果將樂視比喻為 HKTV，你一按個粒 icon，就會立即進入直播頻道。當然，樂視唔係 HKTV，唔止一個輪播台，你還可以即時揀唔同嘅頻道收看。
▲ 樂見是類似 HTC BlinkFeed 嘅軟件，但內容全是有關樂視嘅節目內容。
▲ 留意本來是 Android App drawer 進入 Icon，變了 Letv Live。
▲ 一按即進入樂視輪播台，再撥就有不同嘅頻道選擇。
▲ EUI? 但影相介面咁似 iPhone 嘅 (左 : X800、右 iPhone)
還有還有。。香港幾時有
Letv 樂視超級手機，暫時只有 X600 與 X800 有定價，超級手機 1 最平賣 HK$1800 左右，16GB ROM 版本。1 Pro : X800 ，由 HK$3100 起，也是 16GB ROM。咁香港幾時有？據知因為要跟香港嘅樂視內容做整合，所以要下半年先至有行貨。不過，中國大陸版，肯定三款機都係 4G LTE 雙卡雙待，其中 X900 更支援中國電信 CDMA 3G 網絡，是全網通手機來。此外，版主玩手機時，發覺樂視已預備好香港嘅繁體中文 UI，喜歡買中國大陸手機嘅網友，真係只差 Playstore 就可以好快入到手機。大家睇完介紹，又對樂視三款超級手機，又有乜評呢?
樂視手機發佈會相關文章：
最平價，最高效能! Letv 樂視超級手機三子 比跑分、拼介面人仔 $1,499 LeTV 樂視手機上手玩！樂 Max 全金屬手感鬥 iPhone
Letv 樂視發佈旗下超級手機專用介面 EUI Mobile
2K芒、S810、4GB RAM、21MP 規格王！LeTV 手機登場 $1,499 人仔有交易
在文章發佈的時侯，樂視手機 1 仍未公佈在香港的定價與開賣日期，按此看詳細規格和最新賣價。
在文章發佈的時侯，樂視手機 1 Pro 仍未公佈在香港的定價與開賣日期，按此看詳細規格和最新賣價。
在文章發佈的時侯，樂視手機 Max 仍未公佈在香港的定價與開賣日期，按此看詳細規格和最新賣價。