信京華龍卡現身桂林街
發現呢張 MNP 攜號神器，沿自深水埗桂林街 SIM 檔。準確邊間有貨，今次唔係文章寫明，費事口痕友老屈版主跟檔主有路 (實情我一個檔主都唔識，就係問野兼買卡)。呢張由 Shinetown Telecom 信京電訊推出嘅「華龍 3G 儲值卡」唔係乜新卡，只係深水埗桂林街 SIM 檔好少見。令版主睇得上眼，主要有兩點：首先原卡已有 nano SIM，是少數用到 nano SIM 嘅儲值卡。另外，就係有一個 $138 俾你用足一年(365日) 嘅計劃，呢一年已包左 2GB 數據用量與 600 分鐘通話時間，即係當你完全唔增值，平均每個月都有 170MB 與 50 分鐘打底！呢個價真適合超低用量，用來做後備電話卡。可 MNP 攜號
講到呢到，有不少網友會問，呢張卡會否接受 MNP 攜號轉台？答案係可以！版主幫大家問過，MNP 攜號手續，只要到 Shinetown 信京電訊係銅鑼灣嘅門市完成就可以，每次手續費 $20。好啦，計數時間：$148 面值，再加 MNP $20 手續費，即係你付出 $168 就可以用足一年，呢一年裡面有 2GB 數據及 600 分鐘本地通話時間，平均一個月 $14！由於華龍卡有免費打返中國大陸嘅優惠，所以呢 600 分鐘，仲可以用來打返大陸嘅親戚朋友。
▲ 係深水埗買到嘅「華龍卡」係三合一 SIM 設計，包括 Nano SIM。
▲ 面值與賣價都係 $148 嘅「華龍卡」都有不少上網計劃選擇，只係價錢唔吸引。只有 $138 包一年 2GB 用量及600 分鐘比較有睇頭。
▲ 華龍卡好處係你可以揀客戶服務熱線用廣東話或者 SMS 訊息用繁體中文顯示。版主亦親身打過去客服熱線，係有人用廣東話回答問題。由 APN 見到，華龍卡是中國移動 CMHK 嘅 MVNO，3G 部份當然採用 PCCW 嘅。但一如其他採用舊 PCCW 3G 網絡嘅 MVNO 台一樣，上網速度無希望，多次測速都係 1MB 都無 (呢個 Plan 無限速嘅)。不過，呢張卡主力 Sell 低用量，當 Backup 就算啦。
▲ 華龍卡門市，即係 Shinetown 嘅門市，叫做 Shine Club，位置銅鑼灣糖街銅鑼灣中心一樓。雖然職員不是華籍，但說得一口流利廣東話，要上台、問問題、溝通都唔難。
PCCW Hello 3G Philippines Connect，旺角有貨
為免多口仔話版主跟檔主有路，或幫人賣廣告，版主都幫大家問了好流行嘅儲值 MNP 攜號方案。首選嘅，應該係 PCCW 嘅 Hello 3G Philippines Connect 儲值卡。呢張卡本身 $38，每月行政費 $2，乜都唔做都有免費 WiFi 戶口。呢張卡可以說係最平入手。網上討論區一直都話要 MNP 攜號轉去 PCCW Hello 卡好有困難，因為門市無貨。版主收到風，Hello 卡原來有很大需求，旺角最大個間 csl. 門市，每日都有兩至三宗 MNP 去 Hello 卡個案，有見及此，呢間旺角最大嘅 csl. 門市，最近返左唔少可供 MNP 嘅 Hello 卡，有心轉台嘅，郁手啦。
CMHK 中國移動香港漫遊儲值卡
中國移動香港 CMHK 嘅漫遊儲值卡亦係版主推介嘅儲值卡 MNP 攜號方案之一。呢張卡最大賣點係無行政費。不過，呢張卡雖然寫住 $88 賣價，但 MNP 攜號其實你要俾足一百蚊，呢一百蚊你可以用半年，半年後你可以每三十日增值至少十蚊延續! CMHK 漫遊儲值卡好處係可以獨立申請中港一卡兩號服務，一日、七日、三十日計劃選擇，亦有中港共用數據組合，最平每月 $35 有 200MB：係香港用 2G GSM，但返大陸用 3G TD-SCDMA，好適合耐不耐返大陸嘅朋友轉用。
三款熱門可 MNP 攜號儲值卡比較
| 信京華龍卡 | PCCW Hello 3G | CMHK 漫遊儲值卡 | |
| MNP 出卡價錢 | $168 | $38 | $100 |
| 面值 | $148 | $38 | $100 |
| 包括服務、特色 | － 365 日 2GB 上網 及 600 分鐘本地通話 －免費IDD 致電中國大陸 |
－話音＋數據另行收費 $0.06 / 分鐘。 －每月$78 / 2GB 數據計劃。 －送免費 WiFi 上網。 |
- 話音＋數據另行收費 - 可申請中港一卡兩號及中港共用數據計劃。 - 中國大陸漫遊支援 3G TD-SCDMA。 |
| 使用網絡 | CMHK 2G PCCW 3G |
PCCW 3G PCCW 3G |
CMHK 2G |
| 每月行政費 | 無 | HK$2 | 無 |
| 來電轉駁 | 每分鐘 $0.15 | $15 / 30 日任用 | $15 / 30 日任用 |
| 辦理地點 | 信京銅鑼灣門市Shine Club | 門市。以旺角西洋菜街 csl. 門市有貨機會最大 | 門市。以旺角客戶服務中心有貨機會最大 |
ePrice.HK 儲值卡分享與報導
1) 4G 限速，3G 提速! $115 42Mbps 速度 無限上網2) $58 / 1.8GB 用半年! 7-11 本地八達通儲值通話卡 平價上網
3) $50 4G LTE 無限一個月任用! 瘋狂試玩 CMHK 4G LiTE
4) $20 玩 30 日無限 Data＋ WiFi ！版主教路買平價儲值上網卡
5) 版主教你: 一蚊雞玩 WhatsApp ! 每月加 300 分鐘 $36 攪掂
6) One2Free 神卡 160 蚊 4G 無限上網
7) $180 4G 網絡無限上網來了! 不過要睇路呀!
8) 核武卡 : 每月 $68 30 日無限上網
漫遊上網 Tips 系列
1) 歐洲漫遊最平每日 $23 無限上網2) 唔駛五模十頻! csl. 即日打通中國聯通 4G LTE 網絡
3) 抵玩漫遊卡：日韓台星 + 澳紐 上網逐日計 $17
受歡迎漫遊上網消息分享
1) 版主東京行！中國聯通富士卡 七日漫遊上網 新嘗試2) 中國聯通跨境王新版! 一卡兩號儲值卡比拼
3) 台灣大哥大推台灣 4G LTE 上網儲值卡
4) 中國移動香港漫遊數據卡消息：韓國／台灣 ＋新加坡 + 日本