免費派 SIM 無 FUP 但要睇廣告
呢張「 i-Sim 開心遊港智能電話卡」，版主知道左半年左右，一直係幾個中國大陸遊客常到嘅地點派發，如紅磡火車站、中旅社等等派發。雖然寫明要有護照或非本地人證明先攞得，但唔少網友跟版主講，只要你扮成「普通話」人，攞到機會好大。「 i-Sim 開心遊港智能電話卡」，其實要連住相關 App 一齊使用，所以你或你嘅外地朋友，最好預先安裝好個 Apps ( iPhone | Android 按入下載，但不支援 Windows Phone 及 BlackBerry)。呢張卡一開只有 50MB 數據用量，你要係個 App 登記 SIM 卡資料，再係 App 裡面睇廣告，最高每次可賺 150MB 用量。用晒、睇廣告、增值，就係咁。但若果你係中間無晒數據用量，就要透過其他 WiFi ，先睇到賺 Data 嘅廣告，所以為了無限，唔好用咁盡。七日用晒要換新卡，唔可以增值再用。
▲「 i-Sim 開心遊港智能電話卡」雖然俾遊客用，甚至版主覺得主要對像係中國大陸遊客，但佢地攪大抽獎，首５０００名登記者派 SIM，就香港人都玩得。版主都登記左了。(按圖有更詳細資訊)
▲ 「 i-Sim 開心遊港智能電話卡」是透過中國聯通香港提供 3G WCDMA 話音及數據服務，要係香港設定漫遊，感覺很怪。
▲ 開卡只有 50MB 數據用量，或 50 分鐘，或 50 條本地 SMS。用晒點算？係個 App 裡面睇廣告啦。
$69 蚊 1.5GB 有 4G
免費是對的，不過要攪咁多野，先有 150MB data，仲要係咁睇廣告，先至有無限！其實香港 SIM 卡都唔算貴，若有朋友來香港，版主會選擇豪一張俾佢，唔駛去深水埗，去便利店、網絡商門市買，正價都唔唔駛一百蚊架咋，送張唔駛咁煩嘅好客 SIM 俾朋友，好過貪平，不停係咁睇廣告啦。
▲ csl. 門市、機場嘅 1010 舖位有售嘅「香港任縱橫」卡，八日 5GB 3G 網絡上網，都係 $96，包八日本地無限通話嘅免費 csl. WiFi。$118 呢張仲可以去埋澳門數據漫遊用兼係香港用 4G LTE 上網。(Click 圖見詳細資料)
▲ 3 香港門市有售嘅 4G LTE 日費組合卡，七日個款都係賣 $88，包 1GB 3G / 4G 上網，兼有 $88 本地通話時間。(Click 圖見詳細資料)
▲ 中國移動香港呢張 3G/4G 自游行手機卡，$68 包了首五天 1.5GB 數據用量，仲可以有 72 分鐘係香港打或聽電話，或打番大陸。(Click 圖見詳細資料)