Android 5.0 + 5.5 吋大芒 : $1638
七月份，幾間大型電器連鎖店轉換信用卡優惠，唔多唔少都有優惠手機推出。版主留意到衛信今期造緊 HTC Desire 816。呢部機，其實上兩個月已係特價，不過只係 3G 雙卡版本，吸引力不大。今個月終於輪到 4G LTE 單卡版本。Desire 816 是 HTC 係 2014 最好賣嘅一款手機。點解，因為佢係當時是小數擁有 5.5 吋巨芒，千三萬像素鏡頭及有 3G 雙卡及 4G LTE 單卡選擇嘅手機。Desire 816 採用 Qualcomm S400 四核心處理器，好采用上 1.5GB RAM，所以運行都比一般 S400 或 S410 處理器手機都比較順暢。Desire 816 4G LTE 只支援香港 4G LTE 制式，單 SIM 卡，但比起 3G 雙卡版本，多了 NFC 功能。此外，Desire 816 已可升級至 Android 5.0 版本，跟其他 2015 年新款手機一樣，用上較新嘅 Android 系統。HTC Desire 816 4G LTE 版本用指定信用卡賣 $1598，但無嗰張卡，加多四十蚊，即係 HK$1638 就買到。
▲ Desire 816 4G LTE 單卡版本，你有指定信用卡 $1598，無的話，加多四十: $1638 入手。
▲ HTC 同期都有一部五吋芒嘅 Desire 620 Dual SIM，規格跟 Desire 816 差唔多，但多左中港 3G / 4G 及雙卡雙待，但你問我，呢部機無 Boomsound，無 NFC 真係差左 D。賣價 $1598。唔駛任何指定信用卡。
LG 怪眼機: $1768
另一間大型連鎖店嘅指定信用卡優惠做得好死，你無個張卡，無得用特價。好采佢地呢期拍嘅銀行係 HSBC，其信用卡叫做比較大眾化，多ｄ人合資格去買。呢期版主睇中係 LG AKA。好多人都話 LG 手機好抵買，但似乎只係 G3、G2、G Pro 2 等高檔型號，其中低檔手機，都好 Overprice，怪不得推出半年左右嘅 LG AKA 都要七折求售。LG AKA 規格來講，其實跟 Desire 816 幾乎一樣：Qualcomm S400 處理器夾 1.5GB RAM，內建 16GB ROM 支援插卡。不過，LG AKA 只有五吋芒，同樣使用 HD 解像度。相機是八百萬後置加二百一十萬前置配搭。LG AKA 賣其玩味，跟機保護套，當蓋著手機後，露出的部分螢幕會變成一對眼睛。十分得意。LG AKA 係百老匯以 HSBC 信用卡賣緊 $1678，無 HSBC 卡，無得平。
▲ LG AKA 賣相吸引，但似乎賣氣麻麻。
▲ 同期用 HSBC 信用卡，都可以用 $1888 買到 Samsung Galaxy Mega 2。部機機支援中港 3G 4G，仲有六吋大芒，喜歡三星的，呢部都係唔錯嘅選擇。
在文章刊登時，HTC Desire 816 4G LTE 係旺角大型連鎖店現金價為 $1638，按這裡有更詳細介紹及最新賣價。
在文章刊登時，HTC Desire 620 Dual SIM 係旺角大型連鎖店現金價為 $1598，按這裡有更詳細介紹及最新賣價。
在文章刊登時，LG AKA 係旺角大型連鎖店現金價為 $2298，按這裡有更詳細介紹及最新賣價。
在文章刊登時，Samsung Galaxy Mega 2 係旺角大型連鎖店現金價為 $2698，按這裡有更詳細介紹及最新賣價。
