首賣 iPhone 無人理？中聯通大搞 6s／ 6s Plus 發售活動，或公佈 4G 詳情

Lawrence 2015-09-18 18:50 | 網絡消息

iPhone 6s 係開賣後雖然 Apple 強調新機銷量相當好，預期仲會超越埋 iPhone 6 ，但係從另一方面睇呢部新 iPhone 除左不見有好多網友大讚之外， AOS 訂 iPhone 6s 同上年比更加係「訂極都有」，要靠 iPhone 搵食的電訊商唔出招搶客看來都危危乎。今年新加入成為能夠首輪賣 iPhone 的中聯通正係其中之一，之前版主 Keith 就分享過佢哋已經出招「速銷」 iPhone ，剛剛又宣佈再有新招推出，一齊來睇睇佢哋有乜計！

中聯通 9/25 搞 iPhone 6s 首賣活動做勢，或會公佈 4G 詳情

上年 iPhone 6 以及前年的 iPhone 5s 買氣相當強勁，電訊商不用大肆宣傳或者大搞活動都可以輕鬆搶到唔少上台買機客。但係隨著月費有加無減再加上今年 iPhone 6s 貨源充足，港人驚「炒燶」多過無機買，電訊商看來都打算改變策略，靠「造勢」來搶客了。之前中聯通就宣佈係 9 月 25 號 iPhone 6s 正式推出前，於佢地系統預訂 iPhone 6s 或 6 Plus 可以享有 24 個月行政費半價。今日更宣佈將會係 9 月 25 號早上 8 點於中聯通鑽石山分店到大搞「 iPhone 6s 發售活動」，到時相信好有機會公佈埋 4G 服務上的細節，唔知大家又有沒有興趣呢？版主就覺得與期搞「首賣活動」，倒不如直接減月費仲實際啦⋯⋯