有傳聞指出，Le Max 2 將會成為首部採用 6GB RAM 的智能手機，對版主黎講呢個消息實在太震撼了，肯定會成為 Le Max 2 嘅最大賣點! 而家嘅智能手機， 4GB RAM 已經叫做好多了，居然 Le Max 2 會配備 6 GB Ram，相信成部手機嘅整體速度會大大提升! 除此之外， Le Max 2 仲有第二個賣點，就係佢嘅處理器。有傳 Le Max 2 將會採用 Qualcomm Snapdragon 820 處理器，呢款傳說中嘅處理器目前尚未正式推出，唔知 Le Max 2 會唔會成為第一部使用 S820 處理器嘅智能手機?
講完 Le Max 2 嘅兩大賣點，係時候講番一啲基本嘅資料! Le Max 2 預料將會於年尾發佈，採用了 5.7 吋 2K 解像度大屏幕，而在相機方面，Le Max 2 有傳將會配備 2300 萬像素主鏡頭，並會配搭 Sony 最新嘅 IMX300 感光元件，讓你可以無視光暗，拍下最美一刻。另外，Le Max 2 亦有傳會支持 4K 錄影。
唔知大家睇完以上嘅介紹，有無對呢部 Le Max 2 感到好奇呢? 不過假設 Le Max 2 真係會年尾推出，但都唔知要等幾耐香港先有得買! 而版主收到風，因為英超勢頭不錯，但第二代 Letv 樂視手機未必趕得切今年上市，所以傳 Letv 樂視香港會重新推出 Le Max (樂 max) 香港版本，相信好快就會同大家見面! 如果你想快啲可以買到 Letv 樂視香港推出嘅手機，可以考慮買 Le Max 嘅香港版本! Le Max 同 Le Max 2，你會點揀?