點揀網絡商
現台灣有五間網絡商有提供 4G 及 3G 上網及話音服務。大家最熟悉嘅係「中華電信」、「遠傳電信」及「台灣大哥大」，其中，以「台灣大哥大」最多香港人選擇使用其儲值上網 SIM。而近兩年，也有新加入者包括「亞太電信」及「台灣之星」。其實，有什麼分別呢？多了兩間網絡商，主要因為台灣兩年前開始開通 4G LTE 網絡，引入了新競爭者，經過一輪合拼與分拆等，令台灣出現了五個 4G LTE 網絡商。大家都知，起一個覆蓋好嘅網絡，唔係短時間可以完成，所以，傳統個三間，即係「中華電信」、「遠傳電信」及「台灣大哥大」係接收與覆蓋，都會比較有水準。「亞太電信」及「台灣之星」其實是剛後起之秀，大家要預期接收比較差。但當中，又以「亞太電信」比較好，因為它其實跟「台灣大哥大」有網絡互用的安排，所以你用「亞太電信」，代表用到兩個網絡。提一提，「台灣大哥大」與「遠傳電信」同時提供 15 日或 30 日 3G Only 嘅儲值上網 SIM，價錢比較平，若果你只係要基本上網功能，又要逗留係台灣時間比較長，可以選擇買 3G 版本。
另外，大家亦可以留意自己用緊嘅手機，支援 4G LTE 嘅頻段。傳統個三間台灣網絡商，都提供 1800 頻段嘅覆蓋，更是他們的主頻。若果你部手機，如 HTC 大部份型號，支援 Band 28 (700) 頻段，係室內接收到 4G LTE 頻段機會，都會大好多。而「台灣之星」沒有與其他網絡商有合作協議，支援 4G LTE 頻段是以 Band 8 (900) 頻段為主，若果部手機不支援此頻段，不太建議採用。
▲ 台灣五大網絡商，採用的 4G LTE 頻段。注意嘅係，香港幾乎全部 4G 手機都會用 1800 頻段，而台灣嘅 2600 是剛起步建網。而香港版手機，有 700 / 900 頻段嘅 4G 手機為數比較少。這樣，可見大家買 SIM 時，又想用到 4G，而你又不太懂手機用什麼 4G LTE 頻段，就最好不要用「台灣之星」。
▲ 上圖是台灣蘋果日報對於台灣 4G 網速嘅評測，就算最差嘅台灣之星，都有 12Mbps 嘅網速，可見台灣嘅 4G 上網速度，應會令大家滿的。而一向好受香港人歡迎嘅「台灣大哥大」網速亦係比較好。
買 SIM 位置
台灣三大傳統網絡商：「中華電信」、「遠傳電信」及「台灣大哥大」，去開台灣玩都知，佢地嘅賣 SIM 卡機場門市，要離開了關卡，去到入境大堂才見到。而「亞太電信」及「台灣之星」則係未過關之前嘅位置。以下有台灣五大網絡商，係台灣桃園機場嘅遊上網儲值 SIM 卡賣價，記住全部係機場限定，你去番市區，就做唔番呢個價架啦。
▲ 以桃園機場 Terminal 2 為例，未過海關首先會見到「亞太電信」與「台灣之星」的賣 SIM 攤位。若果你趕住「打卡」同朋友 Share 你已到達台灣，可以先幫親佢地買 SIM。
▲ 以桃園機場 Terminal 2 為例，出了境後向左行，就會見到三大網絡商：「中華電信」、「遠傳電信」及「台灣大哥大」的賣 SIM 檔位。
各大網絡商 SIM 價錢
▲ 「中華電信」的收費，可按圖放大睇清楚。留意中華電信是送全台灣免費 WiFi 熱點使用。
▲ 「台灣大哥大」的收費，可按圖放大睇清楚。
▲ 「遠傳電信」的收費，可按圖放大睇清楚。
▲ 「傳遠電信」給予留學生嘅中長期儲值卡收費。
▲ 「台灣之星」的收費，可按圖放大睇清楚。
▲ 「亞太電信」的收費，可按圖放大睇清楚。