中國聯通「跨境王」本來係一張好出名嘅中港漫遊卡，因為佢支援上網之外，仲可以做到中港通話。不過，因為中國手機號碼實名制，一卡兩號功能係年初已被癈，上網收費又俾不上其他中國漫遊 SIM 卡，變左無乜人會用。可能因為咁，中國聯通香港靜靜雞批左兩個新版本出街：「跨境王 中國 3 天遊」與「跨境王 中國 5 天遊」，睇個名都知短線之用，特色如下:
卡名：「跨境王 中國 3 天遊」
使用網絡：3 香港 (up to 4G) / 中國聯通 (up to 4G)4G 制式：FD-LTE (支援 1800 頻段的手機都用到)
速度 ／FUP：首 200MB 4G 速度 （我哋測試過，香港都有 over 10Mbps 表現)，後 128kbps，中港共用
通話：20 分鐘 （中港共用，包括香港接聽及致電中國大陸及係中國大陸打番香港及接電話)
其他：香港接駁鈴聲
原價：$78
Y 拍售價：約 $60
增值：不支援
卡名：「跨境王 中國 5 天遊」
使用網絡：3 香港 (up to 4G) / 中國聯通 (up to 4G)4G 制式：FD-LTE (支援 1800 頻段的手機都用到)
速度 ／FUP：首 400MB 4G 速度 （我哋測試過，香港都有 over 10Mbps 表現)，後 128kbps，中港共用
通話：40 分鐘 （中港共用，包括香港接聽及致電中國大陸及係中國大陸打番香港及接電話)
其他：香港接駁鈴聲
原價：$128
Y 拍售價：約 $80
增值：不支援
▲ 五天原價 $108，但 Y 拍賣繄 $80，最多用五日。
▲ 最後啟動日期為 2018 年 6 月 30 日。
▲ 上網數據及通話分鐘，都係中港共用嘅。
呢張卡最主要賣點有無限上網，雖然高速嘅 MB 數唔多，但至少可以保證到你係中國大陸個幾日，可以連上不同 即時通訊 App，如 WhatsApp，Facebook Messenger、Telegram 等等 (當然，Google，動新聞都無問題）。而因為有通話分鐘，仲可以將香港用開手機號碼，轉駁去呢張卡，咁唔拍失 Call。由於使用中國聯通，所以唔駛再問你部手機係咪支援 TD-LTE，九成九香港用到嘅 4G 手機，都會支援呢張卡。
版主行過深水埗桂林街一帶 SIM 檔，暫時未見有呢兩款卡，但係 Y 拍及某些賣外遊 SIM 嘅網店，就見到有得買！對於呢 D 限速無限上網平價 SIM，大家又點睇？