500MB 一日高速上網，全球地區有得揀
呢排市面上唔少專為旅遊而設嘅上網卡，繼數碼通嘅 Birdie 自由鳥、csl 嘅 Travel Club SIM，仲有中國移動嘅 Simplifly、CMLink，仲有我哋介紹過嘅 UltraSIM。連出開外遊數據卡嘅中國聯通香港都加入埋一份，有呢張 CUniq Go 日神卡，玩法都係以低用量客為主，逐日收費，每日 4G / 3G 正速 500Mbps 不限用途，之後 128kbps 無限上網。要用才買，買咗可以保留之後再用。最平 $10 包郵
呢張 CUniq Go 卡點樣入手？就係進入佢地 https://www.cuniq.com/hk/cuniqgo 網站，先購買漫遊數據 Package，我哋查過，最平買 $10 就得，你可以買定一至兩日香港 Plan，方便你外遊時，可以係屋企換定 SIM 卡，係香港及到達目的地後，都可以上網。佢地就會依據你嘅郵寄地址，但若果係住宅地址，就要收 $20 郵費。之後，佢哋就會將 SIM 卡寄到你府上。（想呢 $10 都唔駛，仲有免費包郵到戶，睇到尾啦！)
封面
卡主證明書
卡主證明書收到張卡，你要點做？
▲ 首先，你要進入佢地網站，用手機或電腦開都可以，網址：https://www.cuniq.com/hk/cuniqgo，揀選續購。之後，你要登記一個 CUniq 帳戶。值得一讚嘅係，佢要你嘅資料唔多，只係一個電郵地址，一個是是但但嘅名字就可以。你亦可以 Opt Out 唔比佢地用呢個 Email 作推廣之用。簡單來講，呢張卡，唔係實名。
▲ 之後，你就要將你嘅帳戶，綁定你張 CUniq Go，再買漫遊數據組合。
▲ 版主建議你用太空卡登記，兼無實名嘅 Alipay HK 付款，咁就有最大嘅私隱保障。當然，你唔係好介意，用番 VISA 及銀聯信用卡俾錢都無問題。
▲版主早前係台北試過呢張卡。CUniq Go 全部用上中國聯通香港漫遊網絡，去到外地，APN 設定為 Internet，再開啟數據漫遊就用到，用的是香港 IP，可以睇到大部份香港視頻。上圖為台北的其中一次 Speed Test。呢個速度，以台灣來講，唔算好快，但比起香港 4.5G 日常速度，已係不錯了。
其他事項：
－每日截數係是香港時間 23:59，其後均由 00:00 開始至當天 23:59 為1日計算。－ 當數據組合之每日數據用量達到產品之指定「公平使用數據用量上限」500MB後，客戶仍可使用流動數據服務，但數據傳輸(上載/下載)速度將被控於128kbps。
－限速前無用途限制。
－用爆不可加錢提速，要等香港零時才從新計算。
各區收費
▲ 香港 $10 / 日起、香港及澳門 $12/ 日起、中國大陸 $10 / 日起、中港澳台四地 $12/日起、台灣地區 $10 / 起
▲ 亞洲多地 (泰國，柬埔寨，老撾，越南，緬甸) $10 / 日起、日本 $10 / 日起、南韓 $10/日起、星馬泰三地 $10 / 日起、印尼菲律賓兩地 $10 / 日起。
▲ 澳洲紐西蘭 $10 / 日起、俄羅斯 $10 / 日起、歐洲多地（奧地利，比利時，丹麥，芬蘭，法國，德國，希臘，愛爾蘭，意大利，盧森堡，荷蘭，葡萄牙，西班牙，瑞典，英國，保加利亞，賽普勒斯，捷克共和國，愛沙尼亞，匈牙利，拉脫維亞，立陶宛，馬爾他，波蘭，羅馬尼亞，斯洛維尼亞，斯洛伐克，直布羅陀，瓜德羅普島，馬提尼克島，留尼旺（LA），法屬圭亞那，冰島，列支敦士登，挪威，克羅埃西亞、馬約特。）$17 / 日起。
留意：暫時未有美洲國家，包括加拿大及美國選擇。
送 ePrice.com.hk 讀者，40 張 CUniq Go 日神卡
睇完文章，請你返去呢篇文章相對嘅 FB Post (按呢到或見下方 FB 連結)，回答兩條簡單問題，我哋揀出 20 位講得最好嘅網友，每人送 2 張 CUniq Go 日神卡 (零面值，要自己增值，但我哋會包郵寄出，等你慳番 D 錢，同唔駛 Share 咁多資料俾網絡商，當然，你哋就要寫個郵寄地址俾我啦，我哋唔會存儲及轉交任何機構嘅。）001: 玩法，係呢篇文章相對嘅 FB Post (此文章 FB 留言關閉)，回答兩條問題
002: 問題一：呢張卡是由那一間網絡商提供。
003: ５０字以內，講出你最想出遊嘅地方及理由。
004: 遊戲由 FB Post 開始至 2019 年 7 月 22 日，18:00 (6:00pm)
005: ePrice.com.hk 會在遊戲完畢兩星期內跟大家聯絡取郵寄地址。
006: 記得開啟你哋PM 私訊功能。
007: 若在 7 月 30 日前還未收到網友回應，我們會視作放棄此禮物。
更多儲值卡優惠情報，請按此 (手機) 請按此 (電腦)