豐澤特賣場又殺到！搶先分享平價手機、相機、筆電產品

左定坤 (Cho Ting Kwan) 2020-05-12 10:11 | 網絡消息

有留意豐澤 Facebook 都知，荃灣豐澤特賣場又來了！由即日起至 5 月 24 日，又會有一連串的電子陳列產品清貨減價，到底今次又有乜抵玩平價手機、相機、筆電產品呢？版主就來到荃灣豐澤現場，同大家分享一下有乜筍貨。睇下文啦！

在分享之前，有幾點要特別注意：

1. 今次特賣場係分咗 VIP 會員同非 VIP 的易賞錢會員，VIP 會員可以喺今日、聽日優先入場掃貨，而點先做到 VIP 會員，就係要消費滿 $20000 就有；至於非 VIP 易賞錢會員，就要 5 月 14 日開始至 5 月 24 日，先至有得掃貨。

2. 版主今日去影的產品，應該接近最齊全，然而由於係 VIP 會員優先掃貨，去到 5 月 14 日雖然佢哋都會盡量返貨，但未必所有產品都會仲有，所以呢點要留意。

3. 因應疫情關係，今次豐澤特賣場係會分時段，e.g. 每個時段 45 分鐘，每次最多 20 人，所以無論係 VIP 定非 VIP 會員，都需要預先網上登記，再跟住豐澤安排的時間前往掃貨。(按這裡有 5 月 14 - 24 日特賣場的登記連結) (截止時間：今晚 11:59)

4. 地址 / 時間資料

►VIP 優先場
• 合資格會員：易賞錢VIP及iClubVIP
• 優先場時間:
2020年5月12-13日, 早上11:30至晚上8:30 (每段購物時間為45分鐘, 共18個時段)
• 每段購物時間: 20名額 (每位會員可攜同一位朋友到場)
• 店舖地址: 荃灣眾安街57-63號周氏商業中心3樓
• 登記時間: 2020年5月8日下午3:00至5月10日晚上11:59 (名額先到先得)

►易賞錢會員限定
• 合資格會員：易賞錢會員(包括FORTRESS iClub 會員)
• 特賣場時間： 2020年5月14 - 24日, 早上11:30至晚上8:30 (每段購物時間為45分鐘, 每日共9個時段)
• 每段購物時間： 20名額 (每位會員可攜同一位朋友到場)
• 店舖地址：荃灣眾安街57-63號周氏商業中心3樓
• 登記時間： 2020年5月11日下午3:00至5月12日晚上11:59 (名額先到先得)

大概係咁多，以下開始同大家分享有乜筍貨......