WhatsApp 將會喺 App 內彈出一個用戶公告，需要大家人手重新「同意」修訂後嘅新用戶條款，如果你唔同意條款內容、你無 Click 到個 Button，你就會失去你嘅帳號。
簡單講，你將會係賣資料、以及棄用 WhatsApp 兩者之間二擇其一。
條款改左乜
Whatspp 要求你同意條款嘅界面就相當簡單，只係列出三個修訂的大方向：第一：WhatsApp 服務將會點樣處理你的個人資料；
第二：企業如何利用 Facebook 提供的服務，儲存以及管理 WhatsApp 對話內容及記錄；
第三：WhatsApp 點樣同母公司 Facebook 合作，提供高度整合的 Facebook 產品俾 WhatsApp 用戶。
而今日條款修改，每一個用戶都必須手動選擇同意或者不同意，而新條款將會 2 月 8 日生效 如果你選擇拒絕，咁 Facebook 會刪除你嘅 WhatsApp 帳號。
改條款有前科
事實上 WhatsApp 唔係第一次咁樣改，係 2020 年 7 月份，曾經靜悄悄地推出左修改條款，但當時如果你醒目，有入去設定、帳號裡面，係有限時選項比你拒絕。當時個條款已經話會共享用戶信息，包括手機號碼、你 IP 資料、網絡商用邊間、手機規格、手機信號定位等等。今次 WhatsApp 只係簡單講咗三大修改範疇，但事實上魔鬼喺細節。
新版你無得拒絕，只硬食或者放棄用 WhatsApp。 咁到底改左乜野條款，令到全地球咁多媒體都相當大反應呢？
001：你使用 WhatsApp 的習慣會改善個人化廣告、允許你個 WhatsApp 同將來的 Facebook Pay 共享數據，又或者接入 Facebook旗下其他產品，達到數據共享。
002：而目前印度用戶率先被逼同意新條款，因為我之前都分享過印度的 WhatsApp 係有支付系統、有賣保險，所以正式係你部手機出現提示係時間問題。
Respect for your Privacy?
諷刺係睇翻 7 月份 WhatsApp 的條款，劈頭第一句就係話「Respect for your privacy is coded into our DNA」「尊重你的私隱，呢個意念深深刻寫在我們的基因裡面」。最新 2021 年 1 月 4 日私隱政策裡面，呢句說話自然就無左喇。咁你可能會問，修改左條款通話係咪安全？ 加密係咪依然得自己同收信人睇到？根據 WhatsApp 的條款，文字信息不會被保留係佢地 Server 裡面，WhatsApp 方面依然聲稱加密機制係信息保密，叫用戶唔需要擔心，只係你嘅個人資料被用作改善廣告的用途。