玩到 ChatGPT ≠ 識玩 ChatGPT
成日都話，玩到 ChatGPT 或者 Poe，同你係唔係識玩，係兩回事嚟。好比你識得買賣股票，同你識唔識得賺錢，都係兩個概念。知識係需要不斷累積，好似 ChatGPT 爆紅都係呢半年嘅事，我哋幾位版主會用，但唔敢講係咩專家，所以都係需要不斷上堂，不斷實踐，去令到 ChatGPT 可以真正成為一個輔助工具。可能初玩 Poe 或者 ChatGPT 嘅你，未必知 ChatGPT 可以做啲乜。佢好明顯就唔會係一個 Searching Engine，你唔好期待佢係可以判斷、解答任何問題，佢係一個工具，幫你去思考，幫你去寫作，或者輔助程式人員去寫程式，重點係輔助。
而點樣可以令 ChatGPT 畀到你想要嘅答案，係一個學問。例如你去見工，你可以叫 ChatGPT 幫你寫求職信，但畀人一眼就睇得出係 AI 寫出嚟，咁你就失敗咗。要令 AI 寫到唔似 AI 寫出嚟，唔係一件容易嘅事，所以我哋就針對唔同類型嘅工作，編制咗一些幾唔錯嘅 ChatGPT Prompt (Generative AI 世界入面，唔會叫做 Question，唔係叫問題，而係 Prompt)，畀大家可以有哂成個 Template，Copy & Paste 改少少字落去就用到，以下我都會用 Poe 同大家作示範。
針對職業：Online Marketing
生成關鍵字
作為一個輔助工具，對於從事 Online Marketing 嘅人嚟講，只要你問 Prompt 問得合適，ChatGPT 都可以幫到你，去生成一啲關鍵字。
✅ 為 iPhone 14 Pro Max 生成關鍵字列表，包括長尾關鍵字以及高效關鍵字。
生成社交媒體廣告帖文
另外，作為 Online Marketing 人員，少不免都需要喺廣告或者社交媒體出 Post，而 ChatGPT 一樣幫到你。例如根據外媒網站 TechCrunch 的例子：
✅ 為我們的 Facebook 廣告活動製作引人注目的廣告文案，針對之前訪問過我們網站的用戶並營造緊迫感，並添加我們的獨家促銷優惠以吸引他們採取行動。報價是 [在此處插入文本]。
出來的結果，覺得都尚算滿意，會教埋你用乜嘢類型嘅 Link Post (例如「立即訂購」)。當然重覆講咗千萬次，ChatGPT 只係一個輔助工具，佢 Gen 出嚟畀你，唔係畀你 copy & paste 就算，而係你需要自己再作修正，加入一啲個人風格。
就畀一個版主曾經為一間 Party House 撰寫的廣告帖文大家參考，當時都係有用 ChatGPT 作為輔助，剛剛上完堂就活學活用，你可以加入你自己需要嘅要求，例如叫佢加入多啲 Emoji，或者加入 Hashtag：
回應負面評論
搞 Facebook Page 有時難免會遇到一啲批評，甚至負面評論，ChatGPT 可以輔助你去應對：
❌ 作為社交媒體營銷經理，我該如何回應那些在 Facebook 上對我產品發表負面評論的人？
✅ 作為一間 Party House 社交媒體營銷經理，有顧客在 Facebook 上留言批評「環境不乾淨、員工態度惡劣」，請幫我寫一個禮貌而不失禮的回應。
第一個例子是根據外媒給予的例子，但當我嘗試用 Poe 去問相應嘅問題，佢會畀好行嘅答案，話你知應該點做點做，但其實如果係我，我更想佢可以快啲畀個方案我，等我可以快啲針對客人嘅評論，去作出合適嘅回應。所以我會寫清楚我係乜嘢嘅營銷經理，顧客批評咗啲乜，叫佢幫我去用禮貌唔失禮嘅語調，去回應。
版本（一）
版本（二）針對職業：學生
ChatGPT 可以係一個輔助學生學習嘅工具，有時簡單問佢一啲學習上嘅問題，佢都盡量生成合理嘅答案畀你。例如你可以嘗試：✅ 幫我寫一篇關於美國革命起因的研究論文。
✅ 你能幫我用簡單易明的方式，解釋一下甚麼是畢氏定理？
示範：
針對職業：程式員
我哋可以好清楚知道，ChatGPT 係一個好出色嘅「作者」，可以幫你生成唔同類型嘅文章，但其實 ChatGPT 同時亦都可以係一個程式員。假設你想創建一個基本嘅 Web 表格，嚟收集聯絡信息，你可以參考以下嘅 Prompt 做到：✅ 作為一名 JavaScript 開發人員，編寫一個檢查表單信息的程序。姓名和電子郵件是必需的，但地址和年齡不是。
出來如果是：
版主我唔識 Programming，無法判斷呢啲 Code 係唔係真係百份百 work，可能會有 bug，唔完美，但至少佢可以畀到程式員一啲方向，點樣可以做到我需要嘅目的。