不要貪心小便宜
Check Point 軟件技術旗下的 Check Point Research（CPR）發佈了最新報告，指出 Netflix 全球執行打擊共享戶口問題，洐生出不少網絡犯罪事件，肯課金的用家，反成為受害者！Check Point Research 發現不少網絡犯罪份子喺網絡黑市出售 Netflix 高級訂閱帳戶。網路犯罪份子運用 Telegram 渠道，以每月約 2 歐元 ( 約港幣 17 蚊) 嘅價格出售帳戶，並聲稱出售嘅帳戶具備「完全的有效和正當性」。然而，呢啲有得買帳戶大多是透過洩露的身份認證或盜用帳戶取得。若果你貪心，用呢個方法，唸住俾少少錢，一勞永逸解決分享戶口問題，購買該等帳戶後，可能喺畀錢後幾日、幾周或幾月後無法登入，戶口再被 Cut，真係得不嘗失。
肯課金都出事
相反，你係肯課金嘅用家加帳戶嘅用家，你都要好小心，因為你係黑客要揾嘅目標嚟，一時唔小心，你嘅資料會被黑客偷咗，到時戶口再因為被濫用，又被 Ban 就真係無癮！Check Point Research 提醒公眾應注意下列事項，確保其 Netflix 帳戶、密碼安全和防止被盜用：
001: 使用較長且多元化的密碼，運用由各種大寫和小寫字母、符號和數字組成14 到 16 個字元組合作為密碼。
002: 避免使用個人數據為密碼，例如生日、自己或家庭成員的姓名，以及容易被發掘的資訊。
003：避免在不同帳戶之間重複使用密碼
004：切勿與任何人共用密碼或將密碼儲存於電腦，包括電子檔案，以免密碼外洩。公眾亦可運用密碼管理器工具作安全存儲。
睇落都係老生常談，但你今日唔做，聽日被人偷咗戶口就唔好啦！
來源：Check Point
Netflix 打擊分享帳戶事件簿
夾 Plan 玩法末日！香港用戶留意！Netflix 帳號共享限制殺到老豆老母都識嘅簡單絕招！一招化解 Netflix 「同住者」限制
用電視睇 Netflix 都唔驚！教你用 NordVPN Meshnet 破解 Netflix「非同住者」限制