用 Microsoft 戶口登入即用，免 VPN
簡單嚟講，只要你有 Microsoft 戶口，例如陳年嘅 Hotmail、或者免費嘅 Outlook.com 電郵等，就算你係香港開戶，註冊地寫明係香港，你都可以簡單用香港連線，不用經 VPN 連上 Bing.com，揀「聊天」使用佢哋嘅生成式 AI 功能！001: Bing 嘅「聊天」即係類似 ChatGPT 嘅對話式人工智能機械人。你要 AI 幫你「做嘢」要透過問問題 (即係科技 KOL 成日講嘅 Prompt，中文叫提示）令人工智能機械人得到資料去「做嘢」，幫你完成任務。
002: Bing 嘅「聊天」連接咗 OpenAI 嘅 GPT-4 語言模式，即係同課金版 ChatGPT Plus 相同嘅模式，但用唔到 ChatGPT Plus 嘅 Plugin 功能。相反，Bing 嘅「聊天」提供咗 ChatGPT 免費版無嘅能力，包括連線到 Bing Search 揾資料，減少 AI 「作嘢」嘅機會；有三個回答模式俾你揀，包括「富有創意」、「平衝」及「精確」。揀邊一個，主要視乎你想佢做嘅嘢，要好準確定係創作性嘅嘢。
003：Bing 嘅「聊天」仲可以用語音輸入，我哋試過，你只要用廣東話問佢嘢，佢係會用番廣東話答你。若果你用文字輸入問題，佢就唔會無啦啦發聲。
004：喺手機上面，你可幾用 BIng 嘅 App 進入生成式 AI 人工智態介面。iOS 按呢度 Download、Android 用家按呢度 Download
005: 有唔少「過氣」教學講，Bing 嘅「聊天」你可以叫佢用 AI 創作圖片。事實係，佢仲係暫唔支援香港地區，若果你想佢用 AI 「造圖」佢會話你知未支援 (除非你 VPN 連線去其他地區)
006: 點先用到 Bing 嘅「聊天」，家陣好簡單，用番你嘅 Microsoft 戶口，例如 Hotmail、Outlook.com 嘅電郵地址服務等等，你可以透過 EDGE 瀏覽器，進入 Bing.com 再按右上的「聊天」就可以。若果你好似版主咁，只係用 Chrome，就要睇下呢一篇教學，都可以係 Chrome 瀏覽器用到 Bing 嘅 AI 功能。
007: 用呢啲生成式 AI 對話機械人可以做乜？我哋之前有唔少有用文章教你點用，由簡單問下佢嘢、將外文翻譯中文、到幫你寫求職信、代「小編」出 FB Post、甚至寫程式！大家可以 Click 呢度，呢度，同呢度知道更多 Tips!
008：每個戶口，一日可以叫 Bing Ai 處理三百項查詢及工作，每個工作你有 30 個追加要求。
BING 嘅生成式 AI 機械聊天介面
你可幾問佢問題，等佢完成任務，例如叫佢寫求職信
香港地區 暫時不支援用 AI 生成圖片▲ 用廣東話，幾語音輸入叫 AI 做嘢
ePrice.HK 同你齊齊學 AI : 按呢度進入 AI 大時代專頁，每日送上最強 AI 消息及工具測試
玩咗 Threads 未！立即 Follow 我哋，有喺網站睇唔到嘅科技廢文分享