Samsung Galaxy Note II LTE 、 Mega 水貨 $3,780 起！
講到熱賣的大芒機，應該唔少網友會第一時間諗起 Samsung 的 Galaxy Note II LTE 系列吧！當初在香港首賣 $6,198 ，大半年後行貨建議價已經跌了 $1,000 ，其實都跌價幾多。至於先達的場內價錢呢？行貨價錢大約在 $4,600 左右，比行貨便宜 $600 ，水貨方面就由 $3,600 起，如果想要中文版介面會貴多 $200 。不過今時今日， 720p 屏幕、 800 萬像素的手機仍然要這個價錢，倒不如買價錢差不多的 Galxay S4 啦！沒有最大，只有更大！ 5.5 吋的 Galaxy Note II 在 6.3 吋的 Galxay Mega 真的是小兒科了！可是在 6.3 吋大屏幕上面用到 720p 解像度，加上這部機只用上雙核心處理器、 1.5GB RAM 、 800 萬像素相機，行價 $4,698 真是無人問津，聽說在先達場內銷情也不是很理想！行貨的價錢在上市一星期後就趺到 $3,900 左右，水貨甚至趺到 $3,500 ！ 究竟這是大屏幕的錯，還是規格上性價比太低呢？ 希望 Sony Xperia Z Ultra 到港之後不會步它的後塵吧！（版主 Eddie: 幾日前玩過 Xperia Z Ultra ，真的很棒很值得期待的一部機啊，只希望不要太貴吧
）
▲Samsung 由 5.5 吋玩到 6.3 吋，價錢都係差不多，網友們會點樣選擇呢？
LG Optimus G Pro 價錢企得硬 水貨更抵玩
講到大屏幕手機，又點只 Samsung ？最近推出的 LG Optimus G Pro 也是場內熱賣的款式，版主問價的時候，有兩間鋪表示行貨機已經賣光了，而有貨的鋪頭價錢仍在 $4,950 至 $5,280 不等，比起行貨的 $5,698 只便宜少許，不過韓水已經進一步降價到 $4,380 了，跟機有兩電兩充，令它成為其中一部熱賣機款。講到 Optimus G Pro 的規格，它用上 5.5. 吋的 1080p 解像度屏幕、 Qualcomm 600 四核心 1.7GHz 處理器、 2GB RAM、 韓版是 32GB ROM （更支援 64GB 外置插卡）、相機方面有著 1300 萬像素鏡頭和 210 萬像素鏡頭的組合，加上它的 3100 mAh 電池是可以更換的（韓版跟機通常有兩電兩充，買的時侯記得問清楚），亦支援香港的 1800 MHz 頻譜 4G LTE 上網，似乎是玩大芒＋ 4G LTE 的一個不錯選擇，唔知大家點睇呢？
▲不少網友認為韓版 LG Optimus G Pro 更抵玩，其中一個原因可能就是跟機有兩電兩充，不過韓版機就只支援 1800 MHz 的 4G LTE 了
Pantech A850 降到 $2,880 ！抵玩大芒＋4G 機
如果唔追求最新最強，其實睇睇韓國二輪水機都唔錯，不但用到香港的 1800 MHz 4G LTE ，而且第二、三輪價錢都相當合理，性價比非常高。比如說去年底來港的 Pantech Vega R3 A850 ，由當初抵港的 $4,680 降到現在的 $2,880 ，以 $3,000 唔使的價錢可以買到 5.3 吋的 720p IPS 屏幕、 Qualcomm APQ 8064 處理器、 2GB RAM 、16GB 內置容量（支援 32GB 外置插卡）、1300 萬像素主鏡頭和 200 萬像素前鏡頭的手機；而內置電池雖然只得 2600mAh ，不過跟機有兩電兩充，一天使用應該沒有問題吧！
▲韓國二輪機都是比較便宜的，當 Pantech A850 降價到 $2,880 ，真是有很高的性價比！如果大家想要更高質素的屏幕，可以考慮 A860 這部 5.9 吋屏幕的手機。心大心細？可以睇番版主做的評測： A850 ／ A860
覺得先達信唔過？版主都整理一些了大芒機的賣價，大家可以 Click 入去參考下：
| 手機型號 | 小評 | 介紹及本周賣價 |
| Samsung Galaxy Mega | 6.3 吋超大屏幕、雙核處理器、800 萬像鏡頭 | $4698 Click 入睇介紹 |
| Samsung Galaxy Note II | 5.5 吋大屏幕旗艦機，四核心＋2GB RAM ，可插卡換電 | $4998 Click 入睇介紹 |
| Samsung Galaxy Note II LTE | 4G LTE 版本 Galxay Note II | $5198 Click 入睇介紹 |
| LG Optimus G Pro | FHD 5.5 吋 IPS 屏幕、四核心、1300 萬像素鏡頭、可換電設計 | $5698 Click 入睇介紹 |
| HUAWEI Ascend Mate | 6.1 吋 720p 屏幕、 4060 mAh 大容量電池（只支援 3G 上網） | $3698 Click 入睇介紹 |
![[購機情報] 三星 Galaxy Note II LTE 見取機人龍！](http://img.eprice.com.hk/img/news_hk/9782/large.jpg)
