iPhone 5 成「保值機皇」 ！ Samsung Galaxy S4 場內收得高！
版主身邊有些 Trade 機常客，經常都同我講買 iPhone 最保值，有時我都心諗：「手機唔係最緊要啱用咩？」不過其實佢地都講得冇錯，計番 iPhone 5 在香港發佈一年之後，原價 $5,598 的 16GB 的機都可以 Trade 番 $4,500 ，如果當租錢用都係每日唔使 $3 ！不過場內店員都預計新一代 iPhone 推出之後，預計 Trade 機的價錢會再跌幾百，大家要留意時間了。（版主的經驗是發佈會之後就會即跌
）至於 Android 機方面，比較早推出的 Sony Xperia Z 價錢當然會比較低，畢竟已經不算新機麻，如果是大鋪的話價錢會比較穩定一點的。 HTC One 的 32GB 和 64GB 回收價是接近的，雖然最近作了價格調整後兩部機價差只有 $300 ，不過之前用 $6,498 入手 64GB HTC One 的網友而家放機就真的蝕幾多（計番差唔多 $2,000！），版主就比較不建議去鋪頭放機了。至於 Galaxy S4 方面，大鋪的回收價是 3G 版回收價比較高，先達場內就 4G LTE 版叫價高 $100，亦是先達叫價比較高的一部機，大家放機時可以問多幾間啊。
| 機 款： | HTC One（32GB) | HTC One (64GB) | Sony Xperia Z | Samsung Galaxy S4 （3G) | Samsung Galaxy S4 (4G LTE) | iPhone 5 (16GB) |
| 官方定價 | $5,398 | $5,698 | $5,298 | $5,898 | $5,898 | $5,598 |
| 大鋪回收價 | $3,300～$3,900 | $3,600～ $4,300 | $3,100～$3,300 | $3,850~$4,200 | $3,700~ $4,000 | $4,000~$4,200 |
| 先達回收價 | $3,600～$4,300 | $3,800～$4,500 | $2,900~$3,500 | $3,800~$4,400 | $3,800~$4,500 | $4,200~$4,500 |
| 價差： | $1,000~$2,000 | $1,100~$2,100 | $1,700~2,300 | $1,400~2,000 | $1,300 ~ $2,200 | $1,100~$1,500 |
先價放機須知：新淨易放機！行貨記得帶單！
同大家報完價，版主亦分享一些先達放機的心得吧！有行開先達的網友都會留意到，先達場內唔少鋪都會在門口寫明各種機款的回收價，亦有些鋪是要問價的。我的經驗是：價格只供參考！因為店鋪展示出來的價錢通常是回收的最高價，如果好似版主咁將部 HTC One 用到殘殘舊舊，屏幕有花甚至機身有崩的話，隨時係可以比人壓價低幾百甚至一千的！如果想 Trade 沒有中文介面的水貨機，價錢亦未必如理想，甚至是有鋪講明話唔收的。當然，場內唔少價係會將回收的機二手放售（甚至稱它們為新淨一手機
），而放機的話帶備行貨的單據證明有保養，同埋帶齊全套配件、機盒，他們亦會願意收高少少的。
▲在先達二樓有唔少這樣的價錢牌，大家還是參考一下就好了。
大鋪放機注意：行機／水機不同價！ 百老匯、豐澤有公價
雖然大鋪的回收價比較低，但基本上屏幕沒有大損傷就冇問題，比較適合像版主一樣粗用手機的網友。但亦要留意，唔同的大鋪亦有唔同的定價準則！就好似豐澤、百老匯和電訊商方面，他們的回收價都是有一定的準則，是參考公司定下的價錢，相對是比較穩定的；而版主問開衛訊、蘇寧放機，店員都是打電話問放機價錢，版主就試過一日之內問到唔同的價錢，大家不妨走多幾間，貨比三家。當然，連鎖店大多都是不回收水貨機的，但唔少店員都會有相熟的放機途徑，就算公司唔收都會幫手打電話去問問。如果沒有嚴重損傷的話價錢都只是比行貨機略低一點，有時甚至比先達回收價高！如果是 HTC One 、 Samsung Galaxy S4 等人氣機種的話可以試試碰運氣，但韓水、日水的話價錢的確不高就是了！
▲就算是大鋪放機價錢可以差 $600~$700 ，所以問多幾間一定有著數！
網友齊齊傾：Trade 機定放二手？講講心得吧！
老實說，在網上有那麼多二手貨的時侯，去店鋪 Trade-In 的價錢未必如大家理想，不過就唔使親身聯絡買家，省卻了唔少麻煩（版主之前遇過太多惡劣的買家／賣家，諗起都怕
）。大家想換機的時侯，比較喜歡去網上二手區放機，定係直接去鋪頭 Trade 機呢？網友們亦有沒有 Trade 機的經驗／心得可以分享？係討論串或者 Facebook 留言講講你的睇法吧！