1. 大富翁4Fun
相信大家細細個的時候，都有玩過實體的大富翁，版主都唔例外，家中的櫃頂依舊保存着一盒《大富翁》。《大富翁》是一款經典的遊戲，而手機遊戲《大富翁4Fun》的遊戲玩法同以前的一樣，都係一開始每日分配好一樣的金額，然後擲骰仔決定你可以行幾多步，跟住可以買土地，擴展自己勢力。而呢款遊戲可以讓你一部手機／平板，多人共玩，唔洗淨係自己一個對住電話做「毒男」。《大富翁4Fun》同時支持 Android 以及 iOS 系統，iOS 有免費試玩版，亦可以 $15 購買完整版。
App 下載資訊
◎ App 名稱：大富翁4FUN
◎ 系統需求：Android 2.3 以上 / iOS 6.0 或以上
◎ 下載方式：免費 Google Play / iTunes (香港帳號)
2. Magic Touch: Finger Twister
呢隻遊戲比較適合在平板上玩，因為如果個芒太過細，就會好唔方便。呢隻遊戲最多可以 11 個人同時一齊玩，而且唔係啲乜野競技的 Game，而係好講求多人合作，主要係將隻手指放上「硬幣」上面，唔好放手，利用平板上的多點觸控，將所有的硬幣移動到指定的目的地上。而呢隻遊戲除左需要團結之外，仲好講求手指的靈活性，都幾好玩架！
App 下載資訊
◎ App 名稱：Magic Touch: Finger Twister
◎ 系統需求：iOS 6.0 或以上
◎ 下載方式：免費 iTunes (香港帳號)
3. Fingers Party
其實《Fingers Party》都是一隻比較舊的 Game，之後呢隻 Game 在早兩年前都推出左第二代 - 《Fingers Party 2》，不過因為《Fingers Party 2》係要收費的，價值 HK $8，所以如無必要，版主都會叫大家玩番第一代。《Fingers Party》是一款單機多人對戰的遊戲，內有不同的對戰模式，考大家腦力及反應力。 雖然隻 Game 係舊啲，不過就算而家玩番，版主都仲係覺得好好玩。
App 下載資訊
◎ App 名稱：Fingers Party
◎ 系統需求：iOS 5.1 或以上
◎ 下載方式：免費 iTunes (香港帳號)
4. 飛行棋大戰 Online
講到多人遊戲，點少得益智棋類遊戲－飛行棋丫？飛行棋係你同我童年必玩的經典遊戲，相信大家絕對唔會覺得陌生。呢隻《飛行棋大戰 Online》，我地可以見番細個成日見到的版面，而呢隻 Game 除左可以同 1-3 個電腦角色對戰之外，亦可以連接 Game Center 進行網上對戰，更可以實時進行單機多人玩，適合拜年的時候，一家大細齊齊玩！
App 下載資訊
◎ App 名稱：飛行棋大戰 Online
◎ 系統需求：Android 2.3 或以上 / iOS 6.0 或以上
◎ 下載方式：免費 Google Play / iTunes (香港帳號)
5. King of Opera
呢隻 《King of Opera》 其實已經上左架幾年，剛推出的時候相當受歡迎，而且佢個玩法亦相當有創意。呢隻遊戲最多可以俾 4 個人一齊玩，而玩法亦好簡單，總之就係 4 個肥仔企喺個台上面，你要做嘅野就係將對手推出場外，自己要盡量留在台上，留的時間愈長，勝利的機會就愈多。《King of Opera》同時具有 iOS 以及 Android 的版本，不過 Android 版本就免費，而 iOS 版本就需要收費，價值 HK $23。新版本更新增了新打法：彈跳碗，並能夠開啟／關閉公牛。
App 下載資訊
◎ App 名稱：King of Opera
◎ 系統需求：Android 4.0.3 或以上 / iOS 6.0 或以上
◎ 下載方式：免費 Google Play / iTunes (香港帳號)