【好App推介】手機變 Fax 機，唔洗四圍搵! 仲有得簽名加字!

左定坤 (Cho Ting Kwan) 2016-03-14 12:07 | Apps

對於一般用家來說，Fax 可能會係一件可有可無的事，不過對於某些公司來說，Fax 絕對是一樣重要的東西。版主之前做過補習社，每個星期都要 Fax 一份清單到總公司買教材，而每個星期都需要搵文具舖幫助 Fax，咁樣其實係一件麻煩的事。而日前一隻手機 App 的出現，以後要傳真都可以自己搞掂，唔洗咁麻煩了！



呢隻手機 App 叫做 Fax852，由香港人推出，推出左幾個月，最近開始慢慢多人留意。這個傳真服務暫時係免費的，不過當然唔會話俾你狂用，係有次數限制的，每日只有 fax 三次，二十四小時運作。使用方法其實相當簡單，打開 App，只需要選擇你要傳真的圖片或文字，然後可以幫你進行自動去傾斜、裁剪、黑白轉換等功能，甚至可以在文件上簽名加字，最後只需要填入要 fax 的號碼，就能夠將文件 fax 出去。

  

另外，發送之後 App 會話你知預計送達的時間，而成功送出之後亦都會通知你，所以唔洗擔心「寄失」的情況。雖然而家用 Fax 的人數可能相對以前來說少左好多，不過到你真係需要用到的時候，如果你手頭上又無 fax 機，其實呢隻 App 真係幫到你唔少! 唔知大家又點睇呢?


App 下載資訊
◎ App 名稱：FAX852－香港人的傳真機
◎ 系統需求：Android 4.4 以上 / iOS 8.0 或以上
◎ 下載方式：免費 Google Play / iTunes (香港帳號)