▲ 首先對比下兩隻 app 的權限，左邊係較舊的 OFCA 1.1 App 而右邊係新推出的 OFCA 2.0 App，可以見到兩者所要求的權限數目係唔同嘅，新 app 多咗讀取相片多媒體、相片權限，而讀取應用程式記錄權限亦係新增。坦白講兩者 app 功能用法都相似，點解新 app 要求更多權限? 版主都唔知點解了。有無比較熟 Android App 嘅網友，可以知道當中原因？
▲ 同舊版不同，OFCA 2.0 app 一開始要安裝設定檔，需時不算好長。而 OFCA 2.0 app 的介面同舊版好唔同。
▲ 版主用 HTC One M8 係兩隻 app 上做過速度測試，可以見到兩隻 app 係結果方面差距都幾大⋯⋯（左邊係 OFCA 1.1 App，右邊係新的 OFCA 2.0 App。）
▲ 到左相信係最多人關心的環節啦！兩隻 app 為手機做速度測試時究竟會耗用多少數據量呢，同之前一樣左邊係 舊 OFCA 1.1 app ，右邊係新 OFCA 2.0 app，可以見到其實所耗容量相近，都係 2,30mb 左右。可能因為新 OFCA app 要下載設定檔的關係，所耗流量比舊 app 略多。而係 OFCA 說明裡面，有提及係 4G 網絡下，一次測速數據用量可高達 375MB 至 875MB，若果大家數據用量唔係好多，就唔好成日玩 OFCA 測速啦。
簡單做個總結，新的 OFCA 2.0 app 「通訊事務管理局辦公室寬頻速度測試」相信係為左跟上之後 4G LTE Cat 6 令手機網絡速度再提升的趨勢而推出的，同舊版 OFCA 1.1 app 相比分別界面用法有分別，所需權限就多左（而原因就未明）。目前兩個 OFCA App 仍然係 Google Play Store 同 app store 下載，但通訊事務管理局就話舊版 OFCA app 會係短時間內停止服務。唔知大家用完新版「通訊事務管理局辦公室寬頻速度測試」之後又有無遇上甚麼問題呢？不妨留言分享下啦！
通訊事務管理局辦公室寬頻速度測試
開發者： Samknows Limited平台：Android 、 IOS
適用版本：Android 4.0.3 以上、 IOS 7.0 以上
下載連結：Google Play Store 、Apple app store