傳 doc、pdf 檔都得? Whatsapp 即日起可發送文件

左定坤 (Cho Ting Kwan) 2016-03-02 12:43 | Apps

社交通訊軟件有很多，例如 Line、Whatsapp、WeChat 等等，但如果要講到最熱門的，絕對莫過於 Whatsapp。不同於 Line、WeChat，Whatsapp 可謂是一個國際性的社交通訊軟件，亦是大部份人不可或缺的 App。亦因為這樣，Whatsapp 不斷為大家加入不少實用性的功能，例如之前所講可將訊息記錄備份至 Google Drive 等。而日前，Whatsapp 又再為大家加入了一個新功能，同樣係相當實用，想知道詳情的話，睇下文啦!



以往我們除了可以透過 Whatsapp 發送文字訊息，亦可以發送語音訊息、圖片等。然而由即日起，用戶仲可以發送文件 (如 pdf. 檔) 至其他用家，相當方便。雖然說呢項功能並不是 Whatsapp 獨有，早已有其他社交通訊軟件支援這項功能，就好似 telegram 咁，但既然 Whatsapp 係全球最多人使用的通訊軟件，咁而家佢都加入埋呢項功能，對於大家來說應該都會是個好消息吧?



只要大家將 Whatsapp 更新到最新版本，然後打開 Whatsapp，選擇你的發送對象，然後按左上方的「附件」功能，你會發現入面多左一個「文件」的選項，當你 click 入去的話，就會顯示你手機入面的所有檔案，選擇要發送的文件之後，佢會彈個提示問你係咪要傳送 "XXXXXX.pdf" 給某某人，再按「傳送」鍵，就能夠成功將文件發送俾你的聯絡人，操作相當簡單! 不知大家對於這項功能有甚麼看法呢?



App 下載資訊
◎ App 名稱：Whatsapp
◎ 系統需求：Android 2.1 或以上
◎ 下載方式：免費 Google Play