本來呢，HSBC 呢隻 PayMe 的推出，確實可以提升佢嘅競爭力嘅 (理論上係)，因為個概念係好實用，例如有時一班朋友食飯，可能個個都無散紙，呢個時候你豪氣地說一句: 唔緊要，我出......住先，你哋遲下過番數俾我啦！咁大家就可以利用呢隻 PayMe，過番食飯條數俾你，相當方便。
咁方便，版主都試下 download 呢隻 PayMe 落嚟，打算試用下啦！一去到 Google Play，映入眼簾的係七隻充滿霸氣的字:「最具話題過數 App」。去到呢一刻，我終於明白點解咁有話題了。當我 download 完個 App，打算註冊果陣，Err...... 佢顯示「發送驗證鏈結時出現問題 - 請稍後再試」，試過 N 咁多次都唔得。佢唔發送驗證鏈結，我又點註冊呢大佬......難怪見到 Google Play 評分，雖然評分人數並不多，但短短一日已經有超過 9 成人評予「1 星」，總評分只有 1.2，實在是有點失敗。
▲ 如左圖，如果用 email 註冊，就係咁出現「發送驗證鏈結時出現問題 - 請稍後再試」。難怪網民個個都嬲嬲豬，二百幾人評分，二百幾人負評啦！
不過咁，版主後來試過用 Facebook 登入，就好似無問題，至少我可以成功入到去以下頁面吧...... 不過，連最基本註冊都搞到咁「具話題性」，會唔會遲下連必須的安全性問題，都搞到好大獲呢？唔知網友對於呢隻 App 發生咁大件事，有啲乜嘢想講呢？
App 下載資訊
◎ App 名稱：PayMe from HSBC◎ 系統需求：Android 4.1 或以上 / iOS 8.1 或以上
◎ 下載方式：免費 Google Play / iTunes (香港帳號)