Gboard 仲有其他實用功能，例如即時搜尋、加入 Gif 動圖等等，不過喺日前推出嘅 7.0.2 Beta 版本，Google 加入咗中文同韓文支援，無論你用開倉頡、簡易、筆劃、廣東拼音，甚至手寫輸入，Gboard 最新 Beta 版都用得。版主虎仔親身試用咗幾日，唔單止非常方便就手，甚至用來網上識外國女仔都得。
▲ 如果你從來未使用過 Gboard，可以先到 Google Play Store 下載安裝，然後再在這個頁面申請成為 Beta 測試員，成功申請後再點擊頁面的連結，就可以進入 Play Store 的 Beta 版下載頁面，更新 Gboard 成為最新的 Beta 版。
▲ 完成基本設定後，打開 Gboard 點擊新增鍵盤就可以見到中文，香港用戶建議選擇粵語（方便以廣東話進行語音輸入），裡面有倉頡、手寫、快速（簡易）、拼音（廣東話）、筆劃 5 種輸入法選擇，你可以選擇一個或更多的輸入法，亦可以選擇不同的倉頡版本，完成設定後就可以正式使用了。
▲ 之前講過 Gboard 除了是輸入法工具，仲有好多實用功能，全部都喺鍵盤左上角嘅「G」字裡面，一點擊就會見到 Google 搜尋和工具列，搜尋功能毋須多作介紹，就是在輸入時直接搜尋。
▲ 而第二排工具列的第一、二個按鈕都是搜尋貼圖，包括 Emoji、GIF、貼紙和表情符號。7.0.2 Beta 版加入了統一搜尋功能，只要輸入關鍵字就可以搜尋所有類型的貼圖。貼紙、GIF 都可以直接喺 FB Messenger 同 WhatsApp 使用，夠晒方便。
▲ 工具列第三個按鈕則係 Google 實時翻譯，只要選擇你要輸入的語言，再選擇要翻譯成哪一種語言，Google 就會自動幫你將文字實時翻譯。想用日文韓文法文氹下網上新認識嘅朋友，只要用呢個功能就得。有時候去外國網站買嘢想同賣家溝通，呢個功能都可以幫到手。
Gboard Beta 版仲有其他新功能，例如識得自動完成電郵地址、部分外國語言支持多語言混打等等，不過對香港人最有用，相信都係中文輸入、實時翻譯同 GIF 貼圖，
Gboard - Google 鍵盤
下載：Google Play Store售價：免費
Gboard - Google 鍵盤 (Beta)
下載：Google Play Store售價：免費（需註冊成為 Beta 測試者）