▲最便宜的 Samsung Galxay Note 3 Neo 定價 $2,980 ，當然是水貨。
劏機太多？ Samsung Galaxy Note 3 Neo 「行貨」 $3,600 有交易！
網友們都知道，要搵平價貨可以去細鋪或者先達，但開賣一個月可以便宜 $1,000 的細鋪「行貨」說實在不多（之前 LG G Pro 2 亦只是便宜約 $800），所以說 Samsung Galaxy Note 3 Neo 真是跌價得相當快。版主問過相熟店員，他們說因為之前 $6,000 出機的 CSL 和中國移動香港版 Galaxy Note 3 neo 實在太多，供過於求自然大跌價，另外這部機只運行到 720p 屏幕，六核效能也不是特別出眾，其實亦是乏人問津的一部手機。價錢方面，行貨定價 $4,798 的 Samsung Galaxy Note 3 Neo 在場內「行貨」大約 $3,600 ~$3,700 ，足足平一千有多；某些「行貨有單」的劏機貨更加便宜，在 $3,500 左右就有交易啦！不過咁，有 1080p 和 S800 四核處理器的 Samsung Galaxy Note 3 場價亦只貴 $700 左右，聽說不少人都寧願比多少少買 Note 3 ，係咪 Samsung 將兩部手機定價太接近搞到咁樣？話說 Sony Xperia T2 Ultra 亦會好快開賣，定價 $3,498 也是比 Note 3 Neo 便宜啊！當然，接近價位有性價比高又唔使搶既 Oppo Find 7a ，競爭還是相當大啊！
Samsung Galaxy Note 3 Neo 場價平千幾吸唔吸引？我諗就真係見仁見智啦，不過如果想中價位買一部大芒手機，邊部會係大家既選擇呢？不如講下你地既睇法啦！
▲ Samsung Galaxy Note 3 neo 「行貨」價大概是 $3,600 左右，不知為什麼「行貨有單」的價錢更加便宜，可能回收價是在 $3,000 頭的關係吧。
Samsung Galaxy Note 3 neo 在文章刊登時，定價 $4,798，按這裡知道詳細規格及最新賣價。
