▲Samsung Galaxy S5 在香港的廣告實在相當多，下個月更會有《來自星星的你》的演員來港宣傳，真係幾「Dum」本。
上市半個月跌價過千？！Samsung Galaxy S5 場價 $5,000 有找！
仲記得半個月之前 Samsung Galaxy S5 同 HTC One (M8) 同一日上市，版主同大家睇過即日價錢。可以一開賣細鋪就減 $500 的確是很少見，仲有網友報過即日最低價已經去到 $5,300 左右，真係因為需要促銷定係來貨價特別低？就不得而知啦。今日版主再經過先達廣場睇過， Galaxy S5 的「全新貨」和「跟單行貨」甚至是寫明「二手貨」都相當容易找到，價錢最低就由 $4,900 有文易，足足比大鋪正價平成 $1,000！至於水貨的 GS5 價錢最平可以用 $4,780 入手，就算是 32GB 內存的韓水亦只賣 $4,800 ~ $5,000 ，與同期的 HTC One (M8) 相比實在是跌得快很多。賣得平就一定係冇人買？版主早兩日係北京見到唔少人用 Samsung Galaxy S5 ，係商場、景點都唔少，但係香港就真係比較少見，反而多見 HTC One (M8) ，會不是是兩地用家眼光不同呢？正巧版主手上有一盒 Samsung Galaxy S5 ，就「扮客」去問過場內回收價。版主手上的 GS5 是有行貨貼紙，不過當然沒有單據，場內的店鋪只肯用 $4,300 ~ $4,400 去回收，比起原價足足價了 $1,600 ！當然這是版主問出來的價錢，這也會因為手機狀況不同而有所差別就是了。
早兩日 OnePlus One 發佈的時侯，亦同大家分析過幾部「性價比高」的手機值唔值得買。以前大家就鐘意 Trade in 手機去換機，但現時旗艦手機都折舊得那麼快，大家仲會唔會考慮呢？
▲版主見場內唔少「行貨有單」的 Samsung Galaxy S5 只是賣 $5,000 多少少，水貨方面呢？最平 $4,700 有交易啦！
▲給大家參考一下， HTC One (M8) 的場內價大約在 $5,300 至 $5,400 ，即使水貨亦要價 $5,000 ，比 GS5 貴幾百
在文章發佈的時侯， HTC One (M8) 定價 $5,998 ，按此看詳細規格和最新賣價。
在文章刊登的時侯， Samsung Galaxy S5 定價 $,5998 ，按此看詳細規格和最新賣價。
