震撼跌價 $3,980 ？！ Samsung Galaxy S5 大鋪、場內入手格價！

Eddie 2014-05-23 19:29 | Samsung

稍早之前 HTC One (M8) 帶頭減價 ，事隔幾日都未見其他旗艦手機有動作同步減，幾部手機仍然停留係 $5,998 的定價。係大鋪價唔郁既同時，細鋪就係度不斷減價，就好似 Samsung 新一代旗艦手機 Galaxy S5 咁，版主 Eddie 行場見到竟然標價 $3,980 ，足足比起大鋪行貨平 $2,000 ！就算是水貨價錢也實在太便宜了吧？咁既價錢入唔入得過？就帶大家睇睇點解咁平！

Samsung Galaxy S5 唔使四千入手？！留意是沒有 4G LTE ！

嘩嘩嘩！點解 Samsung Galaxy S5 開賣兩個月唔到就已經標價 $3,980 ，足足比起大鋪定價平兩千？真係唔好賣到要促銷？定係已經有 Samsung Galxay S5 Prime 到港既消息？其實通通都唔係，只係因為這是水貨。水貨平價一截既原因就係標價 $3,980 的 Samsung Galaxy S5 是不支援本地 4G LTE 的版本，雖然配置同樣是 5.1 吋 FHD 解像度 AMOLED 屏幕、 Qualcomm S801 2.5GHz 四核心處理器、 2GB RAM 、 16GB ROM 和 1600 萬像素主鏡頭，不過問過店員是沒有任何方法開通這部機的 4G LTE ，平價入手的話就只能當 3G 機用，大家認為這樣的價錢還可以嗎？

在這個年代，沒有 4G LTE 可能大家未必接受到，或者可以諗諗韓國水貨版 Samsung Galxay S5 ，現在價錢大約在 $4,480 ~ $4,580 ，跟機有兩電，亦支援香港的 1800MHz LTE，亦都比起行貨便宜接近 $1,500 啊；至於場內賣的「大鋪行貨」定價大約是 $4,780 ~ $4,980 ，和版主之前行場問出來的價錢差不多，有相熟店鋪跟版主透露這個價位己經和來貨價相去不遠，就算賣得出都「冇肉食」，係咪真就不得而知啦。



▲大家留意唔少鋪標價 $3,980 ，這些都是沒有 4G LTE 的 Samsung Galaxy S5 水貨；「全新行貨」現在大約賣 $4,800 ~ $4,900 左右，也比大鋪定價平 $1,000 啊

在文章刊登的時侯， Samsung Galaxy S5 定賣價 $5,998 ，按此看詳細規格和最新賣價。