企硬! 不減! 破六千 Samsung Galaxy Note 4 黑、白上市大把貨

Eddie 2014-09-30 20:35 | Samsung

之前版主同大家分析過上台出機唔抵，大家仲記唔記得呢？其中一個原因就係大鋪做緊減價，大家可以用平 $1,400 既價錢買到旗艦手機，不過呢個情況似乎唔適用於 Samsung Galaxy Note 4 ，因為 Note 4 上市之後就正如預期，係完全不做即減優惠，同時跟機的贈品只有保護貼而已。就算同同級的 LG G3 比佢都係貴 $1,600 ，仲有冇網友會考慮買呢？


▲問過幾間大鋪都確認沒有即減，只送保護貼和指定公司禮品，這次 Samsuung 真的下定決心貴賣？

Samsung Galaxy Note 4 上市冇「即減」！破六千蚊旗艦你又買唔買？

之前係 Samsung Galxay Note 4 有得預訂既時侯，版主都去問過會唔會有得即減。那個時侯店員其實已經確認不會有「即減 $1,400」的優惠，不過仍然叫版主留意一下會不會改變。直到現在 Samsung Galaxy Note 4 上市之後，發現真的沒有減價，而幾間大鋪都只送基本的屏幕保護貼而已。所以今日版主去到門市問的時侯，各大電訊商、電器大鋪都說即刻有現貨，黑白兩色都大量貨可供選購，要買唔需要搶啵

版主都提過市面上要買 2560 x 1440 解像度的手機，其實還有 LG G3 、 Oppo Find 7 可以選擇，而兩部機的價禎都只大約只賣 $4,600 ~ $4,700 左右，換句話說 Samsung Galaxy Note 4 的定價比起它們貴大約 $1,600 ，亦同大家做過規格比較， Note 4 在處理器與相機像素方面佔優。

至於預訂和在 9 月 30 號買了 Samsung Galaxy Note 4 的網友，亦可以係 10 月 6 號去指定 Samsung 門市換一隻 Samsung Gear Fit 手錶，不過名額就只限 500 名，亦需要上 Samsung 香港 Facebook 登記，可能真係合資格都未必排得到。版主都問過在 10 月 1 號之後入手的人是不合乎資格，所以說贈品就只有保護貼，會不會影響大家入手的意欲呢？


▲百老匯方面說贈品只有保護貼和公司禮品，電池需要加錢換購

在文章發佈的時侯， Samsung Galaxy Note 4 定價 $6,298 ，按此看詳細規格和最新賣價。