目前係挪威的 Samsung 官網上大家仍然可以見到佢地為 Galaxy S6 而製作的宣傳照，版主個人覺得今次 Samsung 的宣傳手法係幾高明。首先佢地並無講明圖片所講的手機係 Galaxy S6 ，而係用一句疑問句「 IS THIS THE NEXT? 」，但當然醒目的讀者都明佢地暗示緊嘅手機就係 Galaxy S6 啦！
▲ 前置式立體聲喇叭、曲面屏幕設計、機身用上玻璃材質同更耐用，如果 Galaxy S6 有齊呢幾樣嘢，大家又會否心動？
講返今次 Samsung 挪威官網所暗示的 Galaxy S6 功能，首先比較意想不到的係可能 Galaxy S6 會有前置式立體聲喇叭。另外就係外型方面， Samsung 亦暗示 Galaxy S6 除左屏幕呎吋比以往大之外，可能會用上同 Galaxy Note Edge 近似的曲面屏幕設計，而機背都有可能用上玻璃材質但比以往的旗艦更耐用。同以往的傳聞相比，今次的消息由 Samsung 官方發佈，可信性無疑係大得多，但今次 Samsung 大賣關子，所有新設計或功能都只係以「傳聞會有。。。」的方式表達，信幾多成真係要等大家自行決定。不過無論點都好，版主都覺得今次 Samsung 的宣傳手法算係成功的，起碼大家對 Galaxy S6 的興趣都大左先啦，岩唔岩先？順帶一提， Samsung VS HTC 口水戰活動就快截止啦，今次活動幾吸引㗎，獎品價值差不多成 $3000 ，7 點 59 分就完啦，快啲參加啦！
▲ 題外話：話說唔知係有意定無意 T-Mobile 係網站上亦洩露左 Galaxy S6 的資料，從圖中可見 Galaxy S6 的確係好大可能用上曲面屏幕。
Samsung Galaxy S6 相關資訊：
容量越來越少？傳 Galaxy S6 電池只有 2,600mAh想節能？Samsung 發表 14nm 製程 Exynos 7 處理器
使唔使咁似 iPhone ? 更多 Samsung Galaxy S6 官圖與設計曝光
發售日期確認？Galaxy S6 下月 22 日開賣
減磅成功又肥返？Galaxy S6 飛甩 S-Apps 迎接 Microsoft Apps
資料來源：Samsung 挪威官網、 phandorid 、 T-Mobile
