今次版主上手係 Samsung Galaxy S6 及 S6 Edge 嘅 32GB 版本，睇到佢內置個 ROM 都係 7GB 以下，S6 Edge 會比較大少少。7GB 算唔算多? 版主最緊玩過，幾乎無野嘅 Motorola G 第一代，升級 Lollipop 後，個 ROM 上到 10GB。而 HTC One M9 內置 ROM 都要 10GB，可見今之 Galaxy S6 與 S6 Edge 嘅 Touchwiz 介面，真係簡化左好多。
之前有人話， Galaxy S6 裡面 preload 左 50 幾個 Apps，全部唔可以 Delete 只可以停用。的確，部份 Preload Apps 係唔可以刪除，包括最大爭議性嘅 S-Health 及 S-Voice，Microsoft Office 嘅 Apps，反正你都用嘅 WhatsApp 及 Instagram，你只可以隱藏方式，將佢地消失係屏幕前。
▲ 左面是香港版 Galaxy S6 Edge 右面是 Galaxy s6。按圖放大，見到系統紀憶體用左唔夠 7GB，夾埋已用空間裡面其他 Apps，實際係 8GB 左右。32GB 版本有約 24GB 用家容量。而 HTC One M9，32GB 用量，就只有約 22GB 用家容量。但 S6 Edge 與 S6 係不支援外置記憶卡嘅。
▲ 版主嘅 .14 零售版 HTC One M9，System 部份已係 10GB 了。(注意，此機已被版主安裝大量 Apps）
▲ 裡面嘅 Microsoft 軟件，係其中不能刪除嘅 App 之一。
▲ 強行刪除，其實只係停用。
▲ 系統會提你點樣開番佢。
▲ 之前我地試過停用 One Drive，之後，Microsoft Folder 裡面就見唔到 One Drive 了。
▲ 香港版 S6 與 S6 Edge 也有一些本地 Apps 如 AA Stock、長空 Online，但呢d 本地 Apps 是可以刪除嘅。
Samsung Galaxy S6 / S6 Edge 發佈! 試玩及新技術
試玩 Samsung Galaxy S6、S6 Edge 新相機功能
最強效能！Samsung Galaxy S6、S6 Edge 跑分贏 S810
三星 Galaxy S6 同 S6 Edge 上市有期！ 128GB 容量會幾貴？
外型大對決！三星 Galaxy S6 +iPhone 6 版主實機對比搶先睇
打孖上！ Samsung Galaxy S6 +S6 Edge 三大功能特色你要知
一張圖清楚晒！版主教你揀 HTC One M9 vs 三星 Galaxy S6
方便過八達通？ Galaxy S6 、S6 Edge 新功能 Samsung Pay
更輕身、更高清！Samsung 推 Galaxy S6、S6 Edge 專用新 VR 裝置
Samsung Galaxy S6 將於 4 月 10 日開賣，定價為 $5698 ，按此看詳細規格和最新賣價。
Samsung Galaxy S6 Edge 將於 4 月 10 日開賣，定價為 $6598 起，按此看詳細規格和最新賣價。
