）。最近版主就發現呢部機係大鋪開始減價啦，而且 Galaxy A5 同 E7 都有平，大家要留意啦！
5.5 吋 FHD 大芒兼有中港 4G 雙卡， Galaxy A7 大鋪減價，深水埗仲平
雖然 Galaxy A7 推出時定價不低，性價比不算高，但因為整體係外型同規格上都叫不錯所以仍然能夠吸引到大家目光。要講 Galaxy A7 的賣點第一樣就要提佢支援五模多頻中港 4G 兼有雙卡啦，不過要留意就係 Galaxy A 系列的雙卡手機都係用左 Micro SD 同 Sim 卡槽共用呢個「優良設計」，亦即係插左 SD 卡就用不到雙 Sim 卡。係規格上 Galaxy A7 就用左 5.5 吋 FHD 解像度 Super AMOLED 屏幕、 Qualcomm S615 八核配 2GB RAM 同內置 16GB 容量（可外置插卡），相機方面就係 1300 萬像素主鏡頭和 500 萬像素前鏡頭，內置 2600mAh 不可換電池。係價錢方面，目前大鋪終於都有減價，但只係減左兩百蚊，要 $3498 ，其實不算多。如果嫌大鋪價錢仍然偏貴的話，深水埗都有行貨而且價錢更平，只需 $3030 。
▲ 以 Galaxy A 系列來講，大家覺得邊部性價比最高呢？
跌破三千！Galaxy A5 再次減價， Galaxy E7 都有份
除左 Galaxy A7 之外，係大鋪的 Galaxy E7 同 A5 都有減到，同樣都係減左兩百。 Galaxy E7 可以話係 A7 的平價版，同樣可以用到中港 4G 兼雙卡，但係屏幕同處理器上都低一級，只係得 5.5 吋 HD 屏幕同埋 Qualcomm S410 1.2GHz 四核配 2GB RAM 同埋 16GB ROM 。而相機上就有 500 萬像素前鏡同埋 1300 萬像素主鏡頭。可以一提係呢部機是有 NFC 以及可以插卡的。價錢方面而家賣價就由 $2898 輕輕減兩，要 $2698 。另外就係由兩個月版主已經分享過減價的 Galaxy A5 啦，今次大鋪一樣將佢減兩百，終於跌落三千蚊樓下，要 $2898 。同樣地，呢兩部機係深水埗都可以用更平的價錢入手的， Galaxy E7 價錢就要 $2280 而 Galaxy A5 就要 $2680 。分享完今次大鋪「怒減」的 Samsung 中階機後，唔知大家又覺得值唔值得入手呢？不妨留言講下意見啦！
▲ 係深水埗，行貨 Samsung Galaxy E7 的價錢同大鋪相差比較大，而 Galaxy A5 只係差兩百。
在文章發佈的時侯， Samsung Galaxy A7 賣價 $3498 ，按此看詳細規格與最新賣價。
在文章發佈的時侯， Samsung Galaxy A5 賣價 $2898 ，按此看詳細規格與最新賣價。
在文章發佈的時侯，Samsung Galaxy E7 賣價 $2698 ，按此看詳細規格及最新賣價。
