親生仔 Nexus 6 大鋪減四百，場內平一千！
首先要介紹的 S805 級數機皇就係 Nexus 6 啦！呢部交返由 Moto 出品的「親生仔」雖然係質量上多次受到質疑，但係以規格來講就相當強勁（係推出時計）。除左用上大到版主單手拎得相當吃力的 6 吋 2K 解像度 AMOLED 屏幕之外，處理器都有 Qualcomm S805 2.7Ghz 四核配 3GB RAM 以及 32GB 內置容量。相機就有 1300 萬像素 F2.0 大光圈同支援光學防手震的主鏡頭。電池方面就有 3220mAh 電量。係價錢上而家 Nexus 6 係大鋪由 $5588 減左四百跌落 $5188 。但相信好多朋友都知道其實 Nexus 6 係可以從不同的渠道購賣的，好似版主 Eddie 教路的從法國 Amazon 入手咁。而先達場內 Nexus 6 的水貨就要大約 $4100 ，而 64GB 版就係 $4680 ，平大鋪價錢一千蚊左右，官方 Google Store 的價錢暫時就未減。
▲ 以往的親生仔可能因為規格在當時不算頂級所以售價都幾「親民」，但 Nexus 6 因為規格唔錯所以定價都偏高少少。
Samsung Note 4 雙卡版率先跌價，平過 Galaxy S6
大家都知道 Samsung 的 Galaxy Note 4 分為用自家 Exynos 5433 處理器的單卡版同埋用 Qualcomm S805 的雙卡版。今次要講的就係支援中港 4G 的 Galaxy Note 4 雙卡板。係規格上呢部機同 Nexus 6 相近，有5.7 吋 2560 x 1440 解像度 S-AMOLED 屏幕， Qualcomm S805 四核心配 3GB RAM ，容量只得 16GB 但勝在可以插卡。相機方面就有 1600 萬像素、 F2.2 光圈的主鏡頭以及 370 萬像素前鏡。電量方面就同 Nexus 6 一樣有 3220mAh 。係價錢方面， Galaxy Note 4 減價後只需 $5498 ，比起 Galaxy S6 平，但如果想用更便宜的價錢入手的話，先達場內價錢都係大約平一千左右，水貨賣價大約 $4400 而場內行貨就做緊 $4700 。至於多條曲邊貴上千的 Note Edge 同埋 32GB 內置容量的單卡版 Note 4 大鋪暫時都未有減價，想入手的朋友可能等等會較好。分享完兩部 S805 旗艦減價後，唔知大家又覺得係價錢方面有無吸引力呢？大家一齊分享下啦！
▲ Note 4 的雙卡版就率先減價啦，唔知單卡版同 Note Edge 又會幾時減呢？
▲ Nexus 6 在港的版本只有 32GB 而且無得插卡，想要大容量的話可能水貨 64GB 版會較好。
▲ 除左 Note 4 之外， Note Edge 亦有場內行貨，都要六千蚊。
在文章發佈的時侯， Moto Nexus 6 定價為 $5188，按此看詳細規格及最新賣價。
在文章發佈的時侯， Samsung Galaxy Note 4 定價為 $5498，按此看詳細規格及最新賣價。
