突然棄用 S615！ 三星超薄窄邊 Galaxy A8 中階變旗艦？

YKer 2015-07-20 22:15 | Samsung

其實本來一款手機型號有不同既規格並非咩新鮮事，但如果同一個機款唔同型號既差異大到可以由中低階變身旗艦級別，其實都幾神奇！ 小弟講緊既係 Samsung Galaxy A8 呢款窄邊框設計既大芒機，大陸版 A8 用 Qualcomm S615，但國際版卻突然變卦棄用「大熱」的 S615，改翻用三星自家出品既八核心處理器，效能更跑出接近旗艦 U 既分數！ 



是咁的，Galaxy A8 外觀幾靚女，所以小弟都有留意佢既消息，本來見用 Qualcomm S615 就心煩，又要面對呢個「熱情的處理器」，點知台灣發布 A8 卻改用 Exynos 5430，安兔兔跑分近五萬，成件事即刻唔同嗮！ 呢粒係採用「4 +4 big.LITTLE with GTS」架構既八核心 20nm 處理器，雖然係去年第三季出貨，當年 Galaxy Alpha 同 Meizu MX4 Pro 都用呢粒處理器，網友們可能覺得呢款 32bit 處理器比較舊款，但其實性能上仍然夠實力保住旗艦處理器之名。


▲ 大家見到台版既 A8 安兔兔跑分接近五萬！ 如果換成 S615 的話，效能差一大截，分數平均大約係三萬左右。

Galaxy A8 在台灣開賣既定價為新台幣 14900 元，折合約 HK$3717 。不論在處理器、電量、相機、屏幕大小、雙卡和指紋功能，還有窄邊框的設計，都明顯比 A7 有了大幅度提升，這樣看的話，這個定價算是非常合理，個人希望香港三星也會以這樣的價錢引進 A8 啦～ 題外話，似乎越來越多廠商開始避用呢期既「龍仔」處理器。。。

Samsung Galaxy A8 於文章刊登時，未有定價。請按這裡有更詳細規格與最新賣價。