睇過 ePriceHK 分享既三星 A8 上手玩，基本上都大致了解過呢部超薄手機係咩一回事。官方表示處理器係八核心 1.5GHz + 1.0 GHz ( 64bit )，估計是 S615。配合 2GB RAM 和 16GB ROM ( 支援外置記憶卡 )，加上一塊 5.7 吋 FHD AMOLED 屏幕，還有 3050mAh 大容量電池。機身支援中港 4G 雙卡雙待，定價為港幣 3798 元，其中白色和金色將會係 7 月 31 日正式開售，黑色就要到 8 月份先有消息。
就咁望落去，呢部 A8 雖然擁有唔少旗艦 S6 既功能賣點，但卻係目前最貴既 S615 手機，而且比台版 A8 跑分差好多。但同一般既 S615 手機比較，咁 A8 又有 F/1.9 大光圈相機、金屬邊框同指紋解鎖。究竟有無吸引到網友們注目呢？ 我整左個差唔多價既大芒手機比較，大家可以參考下：
▲ 詳細規格比較可以按這裡。
小米 Note 同樣擁有 5.7 吋大屏幕、金屬邊框等相似既設計，雖然規格上更勁，價錢更平近一千賣 2999 元，但就無中港 4G。另一款要玩中港 4G 又三字頭有交易既係長青機 LG G3 啦，雖然屏幕係 5.5 吋，而且只係塑膠身，但勝在價錢吸引！網友們，又到你地分享意見既時候啦！
文章發表時候，三星 Galaxy A8 仍未發售，香港定價為港幣 3798 元，詳細開賣資料及規格請參考這裡。
文章發表時候，小米 Note 香港售價為港幣 2999 元，詳細開賣資料及規格請參考這裡。
文章發表時候，LG Dual LTE ( 32GB ) 香港售價為港幣 3698 元，詳細開賣資料及規格請參考這裡。
