Note 5 與 S6 Edge+ 根本係兩兄弟
秘密! no la，其實係香港唔少內行人知道呢兩款三星口中嘅旗艦手機詳情。知情者咁樣對版主講：「三星呢兩部機，根本係一樣！」看看規格又係喎。兩款三星 旗艦手機，包括 Samsung Galaxy Note 5 與 Samsung Galaxy S6 Edge+ 都是用上 5.7 吋 2K SuperAMOLED 屏幕，相機都係前後 F1.9 大光圈，1600 萬像素 + 500 萬像素。兩款手機都係採用 3D 玻璃及鋁金屬邊框設計。叫得 Note 5 當然係支援 S-Pen 設計，今次呢支 S-Pen 可以按粒掣，彈出來。 而 S6 Edge+ 簡單來說，就是 S6 Edge 嘅屏幕放大版，都是採用雙邊曲面側屏幕 (Edge Screen)。無論 Note 5 定 S6 Edge+ 都會升級使用 4G RAM！香港版會係雙卡雙待 4G + 2G 版本。售價破七千
根據業內人士爆料，三星今次會力推 S6 Edge+，而最貴版本會破七千。而 Note 5 呢？若果大家對 Note 係列情有獨鍾，今次 Note 5 首輪開賣價會比較平。記得上年 Note 4 第一輪上市，要賣 $6298，但今次開賣價會係 $5688，足足平六舊水，更加比現時 Note 4 賣價平多三百蚊! 至於 S6 Edge+ 一 D 都唔平，據知香港推出兩個容量版本: 32GB 賣 $6388，64GB 賣 $7188，出得兩個版本，可想而知，可以插卡嘅機會好細。好啦，幾時入到手。之前都講過，三星係聽日 14/8 係香港攪發佈會，咁即係好快賣街啦？快到幾時? 如無意外，Note 5 會係 21/8 出貨，而 S6 Edge+ 就等到九月初。講明先，信不信由你，三星香港最終可能係今晚又改價，留意明天發佈會公佈。
▲ Note 5 係乜樣，外國網站有晒真機圖！十不離九係咁，你點睇?