Samsung Galaxy A9 發表! 6 吋芒 + 4000mAh!
Samsung Galaxy A9 的機身尺吋為 161.7 × 80.9 × 7.4mm，重量為 200g，採用了 6 吋 Super AMOLED 全高清大屏幕。而根據 Samsung 官方所提供的資料顯示，Galaxy A9 配備了八核心處理器，之前網上成日傳會用上 Qualcomm Snapdragon 620 處理器，但實際上 Qualcomm Snapdragon 620 最近更名為 Qualcomm Snapdragon 652 處理器，就在 A9 上用到。Galaxy A9 內置 3GB RAM 以及 32GB ROM，並支援 microSD 卡擴充，不過最多支持幾多 GB 就未知道。
相機方面，Galaxy A9 將會採用 1300 萬像素的主鏡頭，配備 OIS 光學防手震以及 f/1.9 光圈，前置鏡頭方面有 800 萬像素。而電池方面，Samsung Galaxy A9 用上 4000mAh 核電。舊電無錯係大，不過佢省唔省電又係另一個問題。另外，Galaxy A9 將會預載 Android 5.1.1 作業系統，顏色方面有白、金兩種選擇。售價方面，目前尚未確定，但預計呢部 Galaxy A9 會在今個月內率先在中國發售。
▲ Samsung Galaxy A9 日前在中國工信部發佈。
▲ 昨晚在中國「Galaxy A Party」上正式發表，擁有 6 吋大芒、3GB RAM 以及 4000mAh 大電，外觀上好似 Samsung Galaxy Note 咁，唔知你地覺得呢個外型滿唔滿意呢?
▲ 中國市場會推出三種顏色，分別為粉紅、金、白。
▲ 6 吋 S-AMOLED 大芒，但解析度只有 1920 x 1080。
▲ 雙擊兩下 HOME 鍵，即可快速啟動相機。
▲ Samsung Galaxy A9 (2016) 配備了 1300 萬像素主鏡頭以及 800 萬像素前置鏡頭，前置鏡頭比 A5、A7 還要高像素。
▲ 另外，亦配備了指紋辨識功能。
同 Huawei Mate 8 相比，有無得揮呢?
講起 6 吋芒加 4000mAh 核電，版主第一時間諗起上個月發佈的 Huawei Mate 8。Huawei Mate 8 同 Samsung Galaxy A9 一樣，同樣採用了 6 吋芒，不同的是，Mate 8 就用 IPS 材質，而 A9 就用 AMOLED。機身重量方面，即使大家都係用 6 吋芒，但 Mate 8 比 A9 仲要輕 15g，呢點都可以話係 Mate 8 的優勝之處。Mate 8 同樣有 3GB RAM 以及 32GB ROM，而 Mate 8 配備自家 HiSilicon Kirin 950 八核心處理器。電量方面同樣有 4000mAh，但係行 Android 6.0，應該相對 Android 5.1.1 的環境下會更省電，續航能力更強。呢部 Mate 8 香港上市日期未有消息，估計都係明年先會上市，唔知你覺得呢部 A9 有無得同 Mate 8 鬥呢?
想了解更多有關 Huawei Mate 8 的詳細介紹，可以按這裡。
對於呢部機，版主並沒有太大的感覺。一來版主本身自己已經用緊一部擁有 6 吋芒的 Huawei Mate 7，二來 200g 呢個重量，相比 LG V10 還要重，實在太誇張了吧! 同是 6 吋芒，版主部 Mate 7 都係得 185g 之嘛! 不過好在今次 Galaxy A9 有得插 microSD 卡，如果唔係嘅話，得 32GB 對於大部份人黎講未必夠用......當然對於版主我黎講，係絕對足夠有餘吧! 你覺得呢?
來源：GSMArena | ubergizmo | ettoday
