6 吋巨芒＋ 4000mAh 大電， Galaxy A9 (2016) 夠平嗎？
今年 Samsung 推出的中階 A 系列手機，因為外型設計上繼承左 Note 5 ，在質感上有著相當明顯的提升，不少網友的意見都很正面。不過，係規格上，之前推出的 A5 (2016) 以及 A7 (2016) 都仍然係用緊 Qualcomm 的 S615 而且 A5 (2016) 只係配 2GB RAM，即時叫人入手意欲大減！作為 A 系列當中屏幕最大的 Galaxy A9 (2016) ，係規格上都更加強大。雖然屏幕解像度未有上到 2K ，但係就用左新一代 Qualcomm 處理器 S652 再配 3GB RAM 以及 32GB 內置容量。而係相機方面， Galaxy A9 (2016) 都有 1300 萬像素的主鏡頭，配備 OIS 光學防手震以及 f/1.9 光圈，而前鏡就有 800 萬像素。再加上有 6 吋大芒以及 4000mAh 大電的情況下， Galaxy A9 (2016) 級數上明顯比起之前的 A 系列手機更高。講完規格細節之後就到開賣細節啦，Samsung Galaxy A9 (2016) 賣價為 $3998 ，有金、粉紅、白三色可供選擇，將將 1 月 29 日正式開賣。
6 吋巨芒機大比拼，潛在競爭對手會是華為 Mate 8 ？
上面都提到， 6 吋巨芒手機而家實在選擇不多，以大牌子行貨來計，主要對手其實只有 Sony 的 Xperia C5 Ultra 以及 Asus 的 Zenfone 2 Laser 6 吋版本。兩部機雖然都係有 6 吋芒，但係規格上同 Galaxy A9 方面有一段距離，好似 C5 Ultra 就只係用左 MTK 的 MT6752 處理器而 Zenfone 2 Laser 6 吋版本就係用左 Qualcomm S616 。係電量方面兩部機都唔夠 3000mAh ，亦都唔夠 Galaxy A9 多。當然啦，係價錢方面 Galaxy A9 (2016) 就貴一截，所以某程度上兩部機都好難同 Galaxy A9 (2016) 相比。版主個人認為，其實 Galaxy A9 (2016) 真正的對手可能會係華為部 Mate 8 ，兩部機定位雖然有不同，但價錢相信不會差很遠，而且同樣係 6 吋大芒呢！唔知大家又覺得 Samsung 一月重頭戲 Galaxy A9 (2016) 吸引力如何呢？留言講講啦！
在文章發佈時， Samsung Galaxy A9 (2016) 定價為 $3998 ，將於 1 月 29 日正式發售，按此看手機詳細規格及最新賣價。
