外型同樣具有旗艦質感！ Galaxy A9 (2016）最抵讚的地方係⋯⋯
從之前推出的 Galaxy A5 (2016) 、 A7 (2016) 都可以睇到，今年 Samsung 中階 A 系列在外型設計以及質感上有相當大的提升。同樣地 A9 (2016) 都用左前後 2.5D Gorills Glass 第四代玻璃配金屬邊框，而且對於巨芒機而言可謂必備的窄邊框設計亦都有用在 A9(2016) 身上。係外型方面， A9(2016) 同之前的 A5(2016) 、 A7(2016) 其實差不多，反而特別要講嘅係 A9(2016) 佢並無用到被網友戲稱為「孤寒」的 SIM 卡與 SD 卡共用的設計！A9 (2016) 一共有兩個卡槽，一個置於機頂而另一個置於手機右側，當中置於手機右側的卡槽就可以放 SIM 卡與 SD 卡。對於呢個設計，我哋實在可以用百 X 成材來形容，係一件好事！
另外，今次版主再用左 5.7 吋芒的 Galaxy Note 5 跟 6 吋芒的 A9(2016) 做個比一比。係外型上，可以見到受屏幕大小所影響，兩部機大小分係可以見到的，但就相差不遠。不過，係機背方面，因為 Note 5 係有弧度，而 A9 (2016) 就係一個平面的 2.5D 玻璃，所以個人覺得 Note 5 的手感會比較好（而且 6 吋巨芒對版主個人而言實在太大了，個人最喜歡的 A 系手機都是 A5 (2016)呢！）。當然， Galaxy A9 (2016）對比 Note 5 都有優點的，大家都知 Note 5 銀色面機背可以話係「指紋收集器」，而 A9(2016)今次只係出左白、粉紅同埋金三色，版主試過晒就覺得無咁容易留下指紋嘅！
▲以一部 6 吋芒手機來講， A9 (2016) 算是不錯的。
▲ 今次版主試玩的是「粉紅金」版本。說實的，從男性用家各度來看， A9 (2016) 幾隻色看起來都唔多夠「男兒氣慨」，好難選擇。
▲係機頂 A9 (2016) 有一個 SIM 卡槽（機側仲有多個），機底就有 3.5mm 插口。
▲ 前置相機有 800 萬像素，比起 A5 (2016) 、 A7 (2016) 高。
▲ 指紋掃描可以話係時下手機必備，呢樣野係 A9 (2016) 上一樣係有的。
▲ 終於放棄 SD 卡與 SIM 卡共用的 A9 (2016) 有兩個 SIM 卡槽，兩個都係 Nano SIM 的。
▲而家再來個 Note 5 、A9 (2016) 比一比。（唔好意思，同事部 Note 5 比較殘
）
▲機背上，兩者看起來仍然係有分別的，因為 A9 (2016) 用的是 2.5D 玻璃。
▲今次近距離睇一睇，可以見到兩部機都有窄邊框，呢樣對於大芒機而言係幾重要的。
▲ 兩部手機的左邊都有音量鍵。
▲除左 Note 5 多左支筆之外，可以見到係機底同機面，兩部機佈局係差不多一樣的。
▲係手機右側的電源鍵下面， A9(2016) 有多個 SIM 卡槽。
處理器為 Qualcomm S652 ，跑分更勝 S808 的 G4 ！
大家都明白，作為一部大廠中高階手機，用上旗艦級數的處理器可以話係無可能嘅，但偏偏以 6 吋手機市場來講，有著不俗效能的選擇少之又少，現時來計一般行貨 6 吋巨芒機都只有 Qualcomm S615 水平。幸好， Galaxy A9 (2016) 同之前的 A7 (2016)以及 A5 (2016) 不同，在處理器方面用左最新的 Qualcomm S652 再配 3GB RAM ，從安兔兔的跑分成績可見， A9 (2019）得分比起用上 Qualcomm S808 的 LG G4 還要高，雖然跟用上 Qualcomm S810 的旗艦級手機好似 HTC One M9 相比都仲有段距離。但作為一部中階機，大家應該會滿意吧？
▲在安兔兔方面，可以見到 A9 (2016) 始終係中階級別，未能超越 S810 旗艦機的分數。
▲係 Vellamo 上， A9(2016) 表現相當神勇，但單核同多核都只係僅次於 Galaxy S6 。
▲係 Basemark 2.0 上， A9 (2016) 有成 58.59 FPS ，算係唔錯。
相機前鏡像素更高，但使用上有點不方便？
係相機部份， Galaxy A9(2016) 要留意的地方就係前鏡方面比起「兄弟機」 A5(2016) 、 A7 (2016) 係更好的，有 800 萬像素鏡頭。不過，作為一部主打女性用家的巨芒機（點解話係主攻女性用家？從顏色上可以見到啦！） Galaxy A9 對女性而言，係自拍方面其實不算很方便。版主將 A9(2016) 交予 Model 試自拍，佢哋就提到因為 A9(2016) 屏幕實在太大同時邊框又窄，係按快門鍵的時候同時間好易誤觸到屏幕其他位置，做成影唔到相的情況。所以版主建議係使用前鏡時，將音量鍵當快門咁用相信會比較輕鬆。至於主鏡頭方面， A9(2016)一樣有光學防手震兼 F1.9 大光圈，整體表現其實差不多。優點都係白平衡算準確，而且雙擊開啟相機速度同 S6 edge 呢啲 Samsung 旗艦一樣快。成像質素唔可以話係差但因為有細節不及 Note 5 等旗艦銳利，又有輕微油畫化，所以分別都係明顯的。
小結：仲有電量測試未做，做埋再講！
Galaxy A9 (2016) 的賣點之前都提過好多次，就係 6 吋巨芒同時有 4000mAh 大電。係外型上， A9 (2016) 有 6 吋大芒的時候，感覺卻只有一般 5.7 吋手機大小，算係做得不錯。但係 4000mAh 電池表現又如何呢？版主將會為 A9 (2016) 跑埋 GreekBench 3 ，聽日就會有結果！等待的過程係難頂嘅，所以而家先附上同門 Galaxy A5 (2016) GreekBanch 3 數據供大家參考～
▲ 要強調！！！！！！呢個係 A5 (2016) 的分數，只係作為參考用！
▲ 想不到，呢個就係 Galaxy A9 (2016) 成績，看來跟大家想像中的結果有點落差呢！
在文章發佈時， Samsung Galaxy A9 (2016) 定價為 $3998 ，將於 1 月 29 日正式發售，按此看手機詳細規格及最新賣價。
