終於加返 SD 卡槽！但要同 SIM 卡共用
上一代 Samsung 旗艦 S6 同 S6 edge，係外型上有好明顯的轉變，由以往的「膠機」變成前後雙玻璃加上金屬機身，呢方面有唔少網友都大讚。不過，自從 S6 起， Samsung 好幾部旗艦機都唔再支援 SD 卡，即使最少有 32GB 內置容量，但係其他旗艦好似 One M9 、 G4 都可以插卡的同時， S6 卻不可以，自然被比下去。幸好，今年 S7 同 S7 Edge Micro SD 卡插槽再度回歸，最大支援容量為 200GB 。但同時都有個問題。就係 Samsung 用左唔少 A 系列手機都用「 SIM 卡同 SD 卡」共用設計。（呢個設計就真係唔多好⋯⋯）
▲ SD 卡最大支援 200GB ，但就要同 SIM 卡共用了。
外型無大改，但加入防水功能
另一個 Galaxy S6 係外型上的問題就係，改左用雙玻璃同金屬邊框後，在 S5 年代支援的防水規格都無埋。雖然網友對防水的要求不如 SD 卡般殷切，但有總好過無。新一代 Galaxy S7 同 S7 Edge 再次採用達到 IP68 的防水規格再加上無防水蓋設計，最長可以係水下 1.5 公尺放置 30 分鐘。
▲ Samsung 用左無需防水蓋的設計，所以係外型上同前代唔會有大分別。
針對打機升溫問題！加入「水冷裝置」
版主並唔係指 S7 同 S7 Edge 都係防水，當手機發熱時就掉佢入水降溫啊！實情係 Samsung 係機身內部都加入左「水冷裝置」，原理是在機身內部加入了厚度僅 0.4mm 的熱導管裝置，內有導熱液體，可將處理器的熱源導至機殻的金屬部份釋放。再加上打機時可以選擇顯示效果品質。令 S7 / S7 Edge 可以做到降溫同時延長打機續航力的效果。
▲Gaming 成為左 Samsung 係效能表現上的重點，GPU 方面都用上左 Mali-T880 MP12 ，對比 S6 的話， 3D 效能會強大約六成。
沒有可換電設計，但電池容量大提升
另一個網友對往年 Samsung 旗艦唔滿意的地方就係，以往都有的可換電設計，但自 S6 起就沒有了。來到 S7 同 S7 Edge ，其實都係無得換電嘅。不過係電池容量方面，其實 S7 同 S7 Edge 對比上代大左唔少。屏幕尺吋沒有變的 S7 有 3000mAh 電量，相較上代 S6 的 2550 明顯較多。而有 5.5 吋芒的 S7 Edge 更加有 3600mAh ，比起屏幕更加的 Note 5 還要多。唔知大家又收唔收貨呢？留言講講啦！
▲ 電池容量大左，同時間其實手機的重量以及厚度都會有所影響的，好似 S7 Edge 就比起 S6 edge+ 更厚更重。
