HTC M9+ 相機升級版＋ One X9 同時減價，迎接 HTC 10？
先講左 HTC 先，現時嚴格而言 HTC 都未有正宗的旗艦賣緊，最高階的只有在相機方面改用 Sony 感光元件的 M9+ 相機升級版。呢部目前 HTC 定價最高的手機係聲勢方面完全不及同門的 One A9 ，係價錢上大鋪都維持緊「即減 $800」賣 $3698 一段長時間，係 HTC 10 即將推出的情況下， M9+ 相機升級版當然要減啦！另一部就係 5.5 吋大芒，近期推出的 One X9 。從定位上 One X9 的主要對手就係 Galaxy J7(2016) 同埋 Galaxy A7(2016)，但係價錢上 One X9 定價要 $3298 ，大鋪第一波減價都只係「即減 $100」，唔夠細鋪行貨價鬥之餘，連 SUN Mobile 淨機價都比佢平，自然 One X9 係大鋪都有再減價的壓力。
所以版主今日再到大鋪查問，就發現 One M9+ 相機升級版已經做緊「即減 $900」賣 $3598，而 One X9 都跟返「即減 $200」賣 $3098。減得其實唔算多，算係競爭力大左少少咁。
▲ HTC One X9 同 M9+ 相機升級版相比，前者因為新推出，人氣都比較高。
csl 1+1 優惠！ Galaxy S6 edge+ 夠唔夠 cmhk 抵？
講完 HTC 就到 Samsung 啦！其實 s6 egde+ 呢個優惠唔係咩新鮮野，但勝在有趣。話說 csl Online Store 之前推出左淨機新優惠，買一部 S6 egde＋ 就會送多一部，而且仲會送埋原廠透明機殼＋ 32GB OTG 手指。1+1 優惠聽落吸引，但係要價 $8888 就唔知大家點睇了。事實上，如果平均計返， csl 呢個優惠比起現時淨機最抵玩的 cmhk 手機特賣場，價錢都要更加平！無錯，而家 CMHK 手機特賣場到而家都仲買到 S6 egde＋ ，而且 32GB 同 64GB 都有份。但係 csl 方面係 32GB 版＋ 64GB 版 S6 edge+ 賣 $8888，而 CMHK 方面 S6 edge+ 64GB 賣緊 $4980 ，32GB 版就賣緊 $4380 ，加起上來自然唔夠 csl 平。不過，大家又會唔會一口氣買兩部舊代的 S6 edge+ 呢？呢個就係另一個問題啦！
▲ csl 呢個出機優惠，價錢係做得幾平的，當 32GB 版本係賣 $4380（即係 cmhk 特賣場個價） ， 咁 64GB 版本只係 $4508，以原價 $7188 計即係平左 $2680 ，差不多兩千七！（但係要一次過買兩部真係會令人卻步呢！）
▲ S6 edge+ 而家係 cmhk 手機特賣場都仲有得買，唔計 csl 優惠，會係買 S6 edge+ 行貨最平的選擇。
在文章發佈時， HTC One M9+ 相機升級版大鋪賣價為 $3598 ，按此看手機詳細規格及最新賣價。
在文章發佈時，HTC One X9 大鋪賣價為 $3098，按此看手機詳細規格及最新賣價。
在文章發佈時， Samsung Galaxy S6 edge+ 32GB 大鋪賣價為 $5388 ，按此看手機詳細規格及最新賣價。