CMHK 每月之星輪到 S7/S7 edge ，入手價仲平過 LG G5？
大家都知道，CMHK 每個月都會推出「每月優惠之星」，其實說穿了就是「每月優惠三星」，因為每月優惠機款都是 Samsung 手機啊！今期 CMHK 就將 S7 同埋 S7 edge 兩部機列為優惠型號。所以由現在到 5 月 31 號其間，上台同時買機都可以用到優惠價。同以前一樣，每月優惠之星優惠，只係適用於簽約上台的新客戶，現有客戶無份。而且新客戶需要簽約 24 個月，同時選用 4G Pro 3GB 或以上的服務計劃，即係每月月費開支最低係 $216。至於機價方面，今次 Galaxy S7 的「每月之星價」就係 $3680，比起定價平 $1518 ，亦都比起大鋪價 $4698 平。而 S7 edge 的「每月之星價」就係 $4580 ，比起定價平 $1418 ，亦比起大鋪價 $5598 平。如果對比起現時 CMHK 推出的 LG G5 出機優惠，某程度上其實更加抵玩。一來，LG G5 CMHK 要求用家選用 6GB 或以上的 4G Pro 月費計劃，但係 S7 同埋 S7 edge 的每月之星優惠，就只要求 3GB 或以上的 4G Pro 月費計劃！二來，而家 LG G5 係大鋪已經劈價 $1200 ，所以計落 $3780 呢個買機價都只係比大鋪平 $700 ，但係 S7/S7 edge 買機價就比起大鋪平一千。
▲ 真係想唔到，今次係兩部機一齊打孖上，連 S7 edge 都有得平。
▲ LG G5 而家仍然有 $3780 呢個上台優惠價，但吸引力應該弱左唔少了。
對比細鋪行貨價，CMHK 優惠抵唔抵？
其實 CMHK 每月之星上台買機價，一向無乜對手。所以 Galaxy S7 同埋 S7 edge 買機價都係比起細鋪行貨平得多。現時 S7 edge 的細鋪行貨價都仲要 $5280 ，而 S7 價錢都維持係 $4480 ，同上星期分別唔大。至於 S7 同 S7 edge 會唔會係大鋪再減價，現時實在好難講，但個人覺得以 Samsung 個性，點都唔會咁快劈價 $1200 嘅。唔知大家又點睇呢？留言講講講吧！
▲ 細鋪方面，版主阿坤都有提過，S7 edge 的價錢頗為浮動，好似上星期做緊 $5198 ，而家又變返 $5298 了
▲版主留意過，現時 CMHK 門市都未有「每月優惠之星」宣傳，但大家查問下店員都可以拎到優惠嘅。
在文章發表時，Samsung S7 大舖賣價為 $4698，按這裡有詳細規格及最新賣價。
在文章發表時，Samsung S7 edge 大舖賣價為 $5598，按這裡有詳細規格及最新賣價。
LG G5 在文章發佈時，大舖賣價為 $4498，按這裡有詳細規格及最新賣價。
