V10 賣價堅難再下調，原因係。。。
LG V10 唔會再跌價？其實版主講到天一半，地一半就真。我想補充，若果 LG V10 想再跌價，就要連官方建議零售價也要調低。有乜影響？有架，例如信用卡折扣會相應調低咗，網絡商用原價跟價嘅零機價出機，又要再計過，都幾麻煩。當然，調低官方零售價又唔係一件什麼出奇嘅事，好似今日重點講嘅跌價手機 Samsung Galaxy S6 Edge (64GB) 就係。睇番呢部機紀錄，係推出個陣，賣成$7498 架! 而佢上一次被調整官方建議零售價係上年十二月，跌左一千去到 $6498，而大舖個價仲係 $4998，即係直減千五咋，所以話，LG V10 係 $5698 呢個官方定價下，售價再下調空間係好細。
▲ 其實 S6 與 S6 Edge 都係大舖絕跡，只有 S6 Edge+。
S6 Edge 最後清貨
好啦，講番轉頭，版主你寫「上代三星旗艦直降 $2900」又係什麼一回事，原來係 csl 淨機優惠，再將 Samsung Galaxy S6 Edge (64GB) 減到 $4598，比起原初賣 $7498 嘅賣價，真係直降 $2900。今年 Galaxy S7 嘅 Edge 版，直接變了 5.5 吋芒。若果你仲係 Edge 邊嘅好愛者，但唔想咁大個芒，上一代 S6 Edge 仲係 5.1 吋芒。今次減價 64GB 版本，內置容量多左咁囉，但記著 S7 (32GB) 版本都係貴一百蚊架咋，但支援插卡。抵唔抵，大家想下囉。仲有，csl 人員表示，其實 S6 Edge 64GB 存貨唔多 32GB 版亦賣晒，真係要特別嘅用家，先會考慮 S6 Edge 嘅。
▲ 好奇怪，S6 Edge 64GB 平過 32GB，但版主問過 csl 人員，呢個新定淨機價，係真嘅。不過，64GB 只有好少貨，32GB 其實貨已斷。
▲講番 HTC 10，呢幾日大店全部都改番直減五百，即係 $5198，都係未夠 Sun Mobile 淨機價 $5098 平。而深水埗嘅官方認可細店，早已做到 $4898，要平價入手，大家好清楚邊度買啦？
Samsung Galaxy S6 Edge (64GB) 於文章刊登時，電器連鎖店售價為 $4998，按這裡有更詳細規格及最新賣價。
HTC 10 於文章刊登時，電器連鎖店售價為 $5198，按這裡有更詳細規格及最新賣價。
