講真，之前望到 Samsung Galaxy C5 的官圖，已經覺得十足十 HTC + iPhone 的混合體，前面 HTC，背面 iPhone。而版主今日親身拎起過部機，反而又覺得，C5 的正面又唔算非常 HTC，主要係個實體 HOME 鍵位置比較相似，但後面睇，其三段式的設計，再加上玫瑰金色的機身，就真係成部 iPhone 6s 咁。Galaxy C5 配備了 5.2 吋 FHD 屏幕，重量只有 143g，非常輕巧，拎上手感覺很舒服，就算單手操控，都無難度。
▲ Samsung Galaxy C5 配備了 5.2 吋 FHD 屏幕，重量為 143g，輕巧之餘，單手操作亦很方便。
▲ Galaxy C5 配備了 800 萬像素前置鏡頭。
▲ 底下橢圓形的實體 HOME 鍵，同 HTC 旗艦機相似。另外，左面是多工鍵，右面是返回鍵。
▲ 機背望落去，咦？仲唔係 iPhone 黎嘅? 除左個鏡頭，我真係覺得整體感覺好似 iPhone。
▲ Galaxy C5 配備了 1600 萬像素 F1.9 主鏡頭。
▲ 機的左側有音量鍵。
▲ 而機的右側，則有開關鍵以及雙 SIM 卡槽。
▲ 機的頂部無野，而機的底部則有 microUSB 插槽、3.5mm 耳機孔以及喇叭孔。
▲ 機背同 iPhone 好相似。不過其實都有少少似 HTC 10，一樣屏幕大小，同樣都係三段式設計，不同的是，Samsung 鏡頭呈正方形，而 HTC 10 鏡頭是圓形的。
▲ Samsung Galaxy C5 有灰、粉、金三種顏色，32GB 版本賣緊 $2498，而 64GB 版本則賣緊 $2798。至於另一部 C 系列手機 C7，則預計下星期開賣，暫未有真機現身。
Samsung Galaxy C5 (32GB) 在文章發表時，賣價為 $2498，按這裡有詳細規格及最新賣價。
Samsung Galaxy C5 (64GB) 在文章發表時，賣價為 $2798，按這裡有詳細規格及最新賣價。
