二千有找!  買三星 Note 系列 | 直減二千八 Edge 系手機靜靜減

Keith Yim 2016-07-19 22:07 | Samsung

相信好多網友知道，三星會係八月二日公佈全新 Note 7 嘅細節及賣價!  三星手機，出名唔玩巨額即減，旗艦級定價，尤其係 Note 系都會勁貴。唔少人會問，舊款有無可能平價入貨？有！版主發現有大型連鎖店靜靜雞傾銷 Note 系列，二千有找買得到，平過你用 LG 同樣有支筆，但無咁多功能嘅新機。而三星 Edge 邊手機都要被清貨！原價直減二千八! 想知點入手嗎？



豐澤網上清貨區
平時版主報價，都會以衛訊、百老匯為主。前者最愛帶頭減新機價，百老匯跟減價亦跟得好足。但唔係部部都會做即減嘅豐澤，其實最出名係突然會有手機傾銷！真係要好細心先留意得到。近排，版主留意了豐澤 Online Store 做緊 Clearance Sales，唔駛出街，係網上就得到！所以，以下介紹，睇啱就好襟掣，手慢一定無。


▲ 上面就係呢期豐澤 Clearance Sales 嘅名單，唔單止有手機，相機都好多。不過，唔係樣樣都有貨，好多都無晒貨了。大家可以 Click 呢到查下「優惠碼」及「優惠價」，想買清貨手機，就 Click 入呢到。

平玩 S Pen 有 Note 3

呢排佢地揀了好幾款 LG 與 三星手機，有百幾蚊一部舊款 LG 手機，個 D 太低檔，等網友慢慢發掘。版主會推介 Samsung Note 系列，Samsung Galaxy Note 3 有三款顏色揀，其中粉紅色會係 4G LTE 版本。唔理係 3G 定 4G，賣價係 $1999。呢個價抵唔抵？以 LTE 為例，用上 Qualcomm Snapdragon 800 2.3GHz CPU ＋3GB RAM ，呢個版本更加拍到 4K Video。雖然 16GB ROM 係現時環境下，的確比較細，但插到卡，換到電，係個代三星手機嘅賣點。Note 系列有 S Pen，呢部份應用真係屈晒機。





▲ Samsung Galaxy Note 3 N9005 先係 LTE 版本。寫出來是三千蚊，但只要付款是加入「優惠碼」就會變為 $1999。係文章發表個刻，都仲有貨嘅。 



▲ Note 3 好鬼 Out，都係嘅！不過，上一代旗艦 Galaxy S6 Edge （32GB) 都同樣清緊貨! 由本來 $6598 嘅初發售賣價，減到 $3798，即係直減二千八。S6 Edge 用三星 Exynos 7420 (2.1GHz + 1.5Ghz)、3GB RAM，都有千六萬相機，不過，5.1 吋屏幕，可能唔係咁合大家嘅口胃! 


▲ 其實，呢個價，係豐澤門市都有，連 64GB 版本都有得減，四千有找! 

溫馨提示，大家可以 Click 呢到，睇下呢期豐澤 Online Store 有乜清貨電子產品，最重要同時要睇埋「優惠碼」係俾錢個陣填入去，唔係買貴左就大件事!