未發佈，Samsung Note 7 已經有得訂！？
有得訂？係呀！不過唔係香港啫嘛，講緊嘅係杜拜呀！根據 SamMobile 的報導，Samsung 日前已經在杜拜開始接受預訂，而且已經在當地舖頭擺了有關 Note 7 預訂的海報，需要預付約 130 美金 (折合港幣約 $1008)，就能夠成功預訂。 而杜拜當地預訂 Note 7 的話，更可免費獲得 128GB microSD 卡一張添！除了杜拜，有傳美國 T-Mobile 亦會在下周開啟 Note 7 預訂，不知香港又幾時有得訂呢？
▲ 杜拜有店舖已經放上 Note 7 的海報。
▲ 由即日起已經有得預訂。
三種顏色，電量至少有 3500mAh
除了有杜拜預訂的消息之外，根據一組最新流出的圖片顯示，Galaxy Note 7 將會有藍色、金色、銀色三種顏色選擇。而根據韓國曝光的一張圖片表示，Note 7 將會有 3500mAh 電池，同傳聞中的 4000mAh 有點不同。實際有幾多電量，暫時未能確定，但由此可以猜測，Note 7 的電池將會介乎 3500mAh 至 4000mAh 之間。不知網友們對 Note 7 有甚麼看法呢？
▲ Samsung Note 7 預計會有金、藍、銀三種顏色。
▲ 韓國有網站爆出，Note 7 會有 3500mAh 電池，跟坊間流傳的 4000mAh 電池不同。
來源：SAMMOBILE (預訂) | SAMMOBILE (電量)
