有無攪錯！三星新機不減反加？
就中階機來說，Samsung C5、C7 的而且確係相當吸引的，有 4GB RAM 不單止，而且處理器都不是太差勁，近乎拍得住某些旗艦機。雖然 C5、C7 開價並不高，不過網友們最期待的畫面是－減價，而減價呢家野，當然係愈減得多，網友愈興奮啦! 但 C5、C7 一開波淨係減得果兩舊水，不特止，衛訊這兩天更將 C5、C7 這兩部機加價，由原來的「即減 $200」，變成「即減 $100」，版主得悉這個消息，都 O 哂嘴......不過暫時只有衛訊係咁，但唔排除其他大舖過多兩日會跟風加價。
另一方面，Samsung 今年的 S7 Edge 旗艦機，減價情況又如何呢？本身 S7 Edge 已經企硬「即減 $700」好耐，之後出左 Olympic 以及 Injustice 兩個特別版本，其中 Injustice 版本開價成八千幾咁貴，但大舖仲要減得果一舊水，賣 $8298，真係多謝哂喎！ 至於 Olympic 版本，更維持正價不減，企硬 $5998，網友又點睇呢？
▲ 衛訊呢兩日忽然將 C5、C7 兩部機加番價，由原來的「即減 $200」變成「即減 $100」，32GB 版本的 C5 現賣 $2598，而 64GB 版本則賣 $2898。至於 C7，衛訊而家就賣緊 $3298。
▲ 不過有心想買這兩部機的話，版主今日行場睇，其實豐澤、百老匯的價錢暫時未變，都係減二百，當然並不排除過多一兩日，其他大舖跟風將這兩部機加價吧?
▲ Samsung S7 Edge 已經「即減 $700」好耐，而佢嘅兩個特別版本，唔係企硬唔減，就係減左等於無減，網友點睇呢?
ASUS ZenFone 3 開賣，大舖又即減幾多呢？
大家都知道，原本 ASUS 就話 ZenFone 3 以及 ZenFone 3 Ultra 會在 27/7 開賣，但就在開賣之前一日，先知道 ZenFone 3 Ultra 開賣日需要延遲，原因相信係因為 Firmware 仲未 Tune 好，所以唯有淨係賣 ZenFone 3 先。不過，ZenFone 3 開賣，期待的畫面卻沒有出現，又係企硬唔減，5.2 吋 + 3GB RAM + 32GB RAM 版本賣緊 $2399，而 5.5 吋 + 4GB RAM + 64GB ROM 版本則賣緊 $2799。同某大舖職員傾開，他們笑言 ZenFone 3 真係「大賣」，無人幫襯，三日內淨係賣得一部...... 不過，都有一個可能就係，ASUS 未做宣傳，所以暫時未有咁多人留意，加上暫時並不是太多舖有擺出來，如果遲下 ASUS 做番多點宣傳，或者結果會好點吧！
▲ ZenFone 3 大舖價又係企硬唔減！
Samsung Galaxy C5 (32GB) 在文章發表時，大舖最平賣價為 $2498，按這裡有詳細規格及最新賣價。
Samsung Galaxy C5 (64GB) 在文章發表時，大舖最平賣價為 $2798，按這裡有詳細規格及最新賣價。
Samsung Galaxy S7 Edge 在文章發表時，賣價為 $5298，按這裡有詳細規格及最新賣價。
ASUS ZenFone 3 (5.2 吋) 在文章發表時，賣價為 $2399，按這裡有詳細規格及最新賣價。
ASUS ZenFone 3 (5.5 吋) 在文章發表時，賣價為 $2799，按這裡有詳細規格及最新賣價。