▲ Samsung GALAXY C 系由兩個版本，C7 是 5.7 吋 Full HD 屏幕，最新 Qualcomm S625 SoC，再配 4GB RAM。香港版 C7 有 64GB ROM，同時支援 microSD 記憶卡插槽。
001 : 三千蚊有真. 金屬機身
我問過 ePrice 版主，佢哋都話，單從外表，一早好睇好 C7 呢部機，因為設計食正今年用家最想要嘅款色：2.5D 玻璃，再加上全金屬，一體式機身。呢個設計，唔算新，已出現係好多手機上面，但真係做到好有 Feel，好有金屬嘅感覺嘅，都係以旗艦款式為主，三千蚊要買得到，大品牌出品，仲要係香港人最愛嘅 5.7 吋大芒款式，真係得 C7 呢一部。筆者玩過唔少手機，真金屬機身，應該摸上手有一種冷而凍嘅感覺，用指頭敲敲機背，應該是有清脆嘅聲音，而 C7 兩樣感覺都有，加上不界手的機邊，是一部好合大眾要求的金屬手機，難怪好多人，一看再摸就動心。
▲ 銀色背，黑色面應該係最大路嘅款式。
▲ 一體式金屬機身，摸上去有真正金屬的冷感。
▲ C7 配有千六萬像素 F1.9 大光圈後置相機，並有雙補光燈。
▲ 支援前置指紋認證。
▲ 採用 microUSB 插位，配合線材也容易得多。
▲ 採用 2.5D 玻璃設計，好合潮流。
002 : 全新慳電 CPU
說實一句，Samsung GALAXY C7 不是旗艦，以規格來看，當然不會頂級，但當中的配搭，又十分恰當。它用上 Qualcomm Snapdragon 625 呢個 SoC。我不會叫它做 CPU，因為 Qualcomm 晶片方案，不單是處理器咁簡單。S625 本身支援好多網絡上嘅新技術，包括 3G + 4G 嘅雙卡雙待，即是當你插入兩張 SIM 卡時，一面做到 4G 上網，另一面可以用 3G 接收電話。其他雙卡雙待手機，主流也是另一面以 2G 接電話！另外 S625 SoC 嘅手機，包括 C7 亦支援快速充電，用上跟機嘅充電器，95 分鐘就可以充滿 3300mAh 電池。講開呢粒 S625 SoC，佢用上 14nm 製程，好處是有更加好嘅省電效能。我哋用 ePrice 最常用嘅 Geekbench 3 Battery Test 作測試，做出 14 小時嘅成績，比起同期旗艦 8 小時都要多，代表連續用一整日，也沒有問題！
▲ Samsung Galaxy C7 擁有 3300mAH 電池，但配合 S625 SoC 係 Geekbench 3 Battery Test 做出 14 : 48 小時成績。點樣解讀？呢個 Test，係 Flight Mode 情況下進行，屏幕跟進設定調暗。軟件會模式 CPU 係 70%-80% 負載運作。睇番 ePrice 嘅紀錄，S820 SoC 旗艦，大約做到 8 小時成績，等於一個中用量用家，一日可以用到 12-14 小時左右。14 小時，相信去到 20 小時也可以。事實上，C7 支援快速充電，用晒再充滿佢，都可以好快，95 分鐘就得。
003 : 4GB RAM 好夠用
咁採用 Snapdragon 625 嘅 Samsung GALAXY C7 效能又如何呢？首先要明白到，S625 在 Qualcomm SoC 系列是中檔級，若果只係比跑分，一定唔夠旗艦款式嘅 S820 來。但值得留意係，S625 整體跑分，都有六萬三千左右，其實跟唔少大賣嘅手機相若。係 3D 效能部份，S625 配備嘅 Adreno 506 圖像處理器，效果都唔差，係 Basemark ES 2.0 Taji 嘅跑分軟件，做到 45.44fps 的成績，代表大部份手機遊戲都可以輕鬆玩到都唔窒，當然包括最近 Hit 嚗嘅 Pokemon Go! 別忘記，佢跟主流旗艦手機一樣，Samsung GALAXY C7 配備 4GB RAM。好處係，當你一次過開多 App，用埋智能手帶，如 Gear Fit 2 等等，手機都有足夠嘅記憶體去處理，唔會因為唔夠 RAM 而拖慢部機。仲有，C7 出機已係 64GB ROM，可以把你巨量嘅 WhatsApp 記錄、相片、短片、私人珍藏嘅玉照、遊戲嘅 Save 也存在手機上，唔怕唔夠位啦。
▲ AnTuTu 跑分有 6 萬 3 千左右，唔少大熱手機都係呢個手機效能。
▲ Basemark ES 2.0 Taiji 嘅分數。
004 : F1.9 大光圈相機
Samsung GALAXY C7 嘅相機，都唔講得笑！後置 1600 萬像素鏡頭，加上 F1.9 大光圈，並配備雙 LED 閃光燈，令 C7 係日拍與夜攝都有不錯嘅效果。唔信，最好睇下面嘅試相。而其 800 萬像素的前置鏡頭，同樣具有 F1.9 大光圈，就算在環境昏暗的環境下，都一樣能夠隨心所欲地自拍，加上支持廣角自拍，就算係同三五知己一齊自拍，都無難度。另外，C7 具有實時美圖功能，能夠做到大眼、瘦臉等效果。
005 : UHQA 升頻音質
雖然 Samsung GALAXY C7 唔似其他手機，大大隻貼住支援 Hi-Res 音效，但換來更實際嘅 UHQA 提升音質技術。UHQA 即是 Ultra High Quality Audio，可以把不是 Hi-res 的歌，提升至接近 24bit/192KHz 媲美Hi-Fi的效果。筆者試過，覺得特別適合用係串流音樂如 Spotify、KKBox 等！我用 Spotify 試果陣，就算係免費版，都可以聽得好開心。與此同時，C7 亦有 Adapt Sound，用你的耳朵去調控 EQ，令手機音質更加適合自己愛好。
▲ 除了 UHQA，Samsung GALAXY C7 亦有不同嘅音效選擇。
006 : 分享遊戲樂趣
記得 Samsung GALAXY S7 加了一個叫 Game Launcher (遊戲啟動器) 嘅功能，除了可以令手機玩 Game 更加慳電外，仲有一個好強嘅功能，就係可以錄起你打 Game 的過程。其實係 Samsung GALAXY C7 裡面都有。近日流行的捉精靈遊戲 Pokemon Go，係 Facebook 見到大量 Pokemon 嘅「晒命圖」，但有無想過，你捉精靈或者與其他精靈比鬥嘅過程，都可以 Share 出去呢？Game Launcher 做得到，下面有短片示範!
▲ 只要你開啟 Pokemon Go，就會見到好似 Controller 嘅圓點係屏幕上，點一點，會有錄製選項。不但錄到你玩嘅情況，你仲可以加上自己嘅配音。
▲ 短片示範。
結論：屈機有原因
最開頭我提及 Samsung GALAXY C7 係好「屈機」。數了六大原因，可以見到 C7 只賣三千多元，但無論係機身設計，使用體驗、相機、聽歌甚至遊戲都相當到位。若果你唔係愛大芒機，其實同期有一款 GALAXY C5，都係 4GB RAM，都有 64GB ROM 選擇，只係 CPU 稍為唔同及個芒細至 5.2 吋，其他功能都係一致的，價錢更平至二千中有交易！此為客戶贊助文章
