公開 Samsung GALAXY Note 7 香港版本 + 零售價 + 上市及預售安排

Keith Yim 2016-08-15 15:31 | Samsung

仲有兩日 (17/8) ，Samsung GALAXY Note 7 就會係香港攪發佈會，相信有興趣嘅網友，都知道今次三星一如以往，都攪了好多體驗會。係你仲唸緊花唔花時間參加之前，不如由版本、零售價及預售安排，再睇睇呢部手機，值唔值得搶先入手! ePrice.HK 版主，已搶先掌握 GALAXY Note 7 相關資料，係香港發佈會之前公開!

Samsung GALAXY Note 7 可以說是 S7 Edge 的 S-Pen 升級版。外型與 S7 Edge 相約，但加入了 S-Pen 支援，除了功能有更新外，更加入 IP58 防水功能，S Pen 可以係濕機嘅情況下使用，真係落住雨都可以 Take Note。此外，加入虹膜認證，係眾多智能手機上面，都叫做好有話題。硬件規格方面，其實跟 S7 Edge 差唔多，買 GALAXY Note 7 真係睇下你對 S Pen 嘅需要情度。好啦，其實年終無乜邊款機，可以引人注意，Note 7 係其中之一，到底香港發售情況如何？

001: 香港中國全網通

之前版主都講過，若果得一個版本嘅旗艦型號，三星都會選擇引入「中國＋香港全港通」版本，即係打通全港 2/3/4G 及中國 2/3/4G，簡單來說，會有埋 CDMA 頻段。亦因為要賣埋俾澳門中國電信，所以香港版本，都不能用 Exynos 處理器版本。港澳的三星 GALAXY Note 7 將會採用 Qualcomm Snapdragon 820 SoC，支援香港全部 4G 網絡，雙卡雙待，也能打通中國大陸嘅移動、聯通與電信全頻。

002: 沒有高規版

支援全網通，咁香港版會否跟大陸一樣，有 6GB RAM 嘅驚喜？版主答你，無! 香港版會跟隨國際，只賣 4GB RAM + 64GB ROM 版本，沒有 6+128GB 版。

003: 香港有藍色

Samsung GALAXY Note 7 有珊瑚藍、鉑金、鈦銀和和瑪瑙黑四色，以乎唔少網友認為珊瑚藍最有新鮮感，最有型。好消息係，香港發售嘅 Note 7，首批會有「珊瑚藍」選擇，但係鈦銀色就唔會係香港上市。

004: 繼續破六價

Samsung GALAXY Note 系，建議零售價一向都破六千，早前版主係「三星手機台 by ePrice.HK @ Telegram」問過唔少網友 Note 7 想賣幾多錢，都有唔少網友預左佢要賣六字頭，仲少有地無嫌貴。反正個個品牌都會覺得定價太貴，但偏偏三星唔係，佢地都會順應民意，價錢繼續破六，但係 $6198 呢個賣價，比起上年 64GB 版本，其實係平咗。呢個價，你受唔受先?