極端評測 001：浸水 10 分鐘，測試音效、錄音
首先是防水測試，相信大家都知道，今代的 Note 7 加入了 IP68 防水功能，到底佢嘅防水功能，係咪真係咁有效呢？有外國 YouTuber 就將 Note 7 同 S7、iPhone 6s 進行比拼，同時放在水中 10 分鐘，然後測試一下播鈴聲的音質，以及錄片的收音情況。結果 iPhone 6s GG 了......睇片啦！
▲ 防水測試，睇下係咪真係防水先！
極端評測 002：抗擊抗刮測試
Samsung Galaxy Note 7 今次用上了第 5 代的 Gorilla Glass，相信會更堅固、更穩陣。有外國 YouTuber 就利用了不同的工具，例如鎚仔、士巴拿等等，用力敲擊 Note 7，測試 Note 7 的抗擊程度，同時亦利用了𠝹刀、小刀等等，打同埋刮部 Note 7，睇下容唔容易刮花部 Note 7。片有兩條，自己睇下啦！
▲ 呢個人就拎曬D工具去打部機刮部機，睇見都痛。
▲呢個應該仲痛D
真‧極端評測 003：1000 呎 Drop Test
Drop Test 係每部手機一推出，最令人期待的測試了！事關平時用機，好容易會遇到不小心跌左部機落地下這種情況。所以，一部手機能唔能夠有效抗摔，是非常值得關注的。就等我分享兩段關於 Drop Test 的影片俾大家睇啦，第一段係比較正常一點的 Drop Test，第二段就係無咁正常。點解話唔正常？1000 呎扔部機落黎，乜都爛啦！同埋正常會咁做嗎？除非你唔小心跌左部機出街，如果唔係機會都幾微下。睇片啦！
▲ 呢個就係好普通、好正常嘅 Drop Test，不過都有意想不到嘅效果。
▲ 點解上面係普通，呢個就勁啦，送部野上1000公尺嘅地方跌佢落黎。1000公尺有幾高 ? 港島東中心咁高左右。
小結
雖然上面有D測試係幾殘酷下，但都可以睇到，其實 Samsung Galaxy Note 7 的而且確係一部不錯的手機，首先係佢嘅防水功能，甚至比同樣具有防水的 S7 還要好，再說用上了第 5 代 Gorilla Glass，雖然太過暴力的測試，俾到你第 10 代都未必頂得順，但至少可以見到，Note 7 感覺上無前幾代咁脆皮，你地睇完又有乜野想法呢？
想睇返正常測試嘅可以睇返我地ePrice HK 嘅文章啦！
Samsung Galaxy Note 7 係文章刊登時，賣價為 $6198，按這裡有詳細規格及最新賣價。
更多 Samsung Galaxy Note 7 發佈、評測相關文章：
虹膜｜快充｜S Pen｜雙曲芒！三星 Note 7 上手評測
F1.7 大光圈 Note 7 日拍夜攝，大量試相
提早開箱比拼 S7 Edge
真碌七! Samsung GALAXY Note 7 正式發表！獨家爆香港上市日期
八大升級! 三星 Galaxy Note 7 黑科技挑機 iPhone 7
5.7 吋曲面屏配 S-Pen！三星 Note 7 實機寫真 + 效能評測
Samsung Galaxy Note 7 夜攝大考驗
虹膜解鎖好唔好用 (附短片示範)
防水 S-Pen 功能示範
硬件效能跑分公佈
Galaxy Note 7 上手試 + 解答網友問題
真正 90 秒睇晒！Galaxy Note 7 所有賣點
相片實測！Galaxy Note 7 拍攝實力公開
影相有 S7 咁靚？Samsung GALAXY Note 7 夜拍示範作
小改版更舒適 Samsung Gear VR (2016) 發表
＝＝＞三星手機討論區 by ePrice.HK @ Telegram! 按 Google Play 或 Apple App Store 下載並安裝並登記 Telegram 即時通訊軟件，加入三星手機台 by ePrice.HK ，以後全天候討論三星手機事宜。想知 Telegram 是什麼？安全嗎？可按此
