港版珊瑚藍色 Samsung Note 7 睇真 + S820 效能立即睇

Keith Yim 2016-08-17 23:03 | Samsung

關於 Samsung GALAXY Note 7 嘅評測，由 IRIS Scanner 至相機效果，ePrice.HK 差不多有十篇以上了。今日三星終於發佈香港版本！跟之前我哋用台灣 Exyno 版本實測不同，是用 Qualcomm Snapdragon 820 之餘，仲加入了雙卡雙待功能。而且，香港亦有台灣無嘅珊瑚藍色版本。到底，真機嘅珊瑚藍色 Note 7 係官圖睇上來咁靚？S820 版本效能又好過 Exyno 版本嗎？

S820 版本有好處

版主早前披露香港版 Note 7 會採用 Snapdragon 820 版本，網友反應不算好好。一來，沒有跟大陸推出 6GB RAM 版本，比起大陸本土手機還要差，與此同時，S820 又好以無 Exynos 8890 CPU 省電。不過，S820 版本，係香港都有好處。首先，香港版本支援 3G + 4G 雙卡雙待，唔駛好似台灣咁要等 Firmware 升級。即係話，你插入 4G SIM 上網，另一張 SIM 卡都可以繼續透過 3G 網絡通電話，唔會因為 2G 越來越少頻寬，影響話音。S820 CPU 亦做到支援香港及中國大陸全部 2G、3G、4G 頻譜，即你用任何一個網絡，都可以享受到更好嘅覆蓋，要好話音有好話音，要多頻上網也可以。

珊瑚藍，銀裡透藍

GALAXY Note 7 本來有四款顏色，但香港抽起了銀色，但加入了台灣都未有嘅珊瑚藍，用來打 iPhone 7 嗎？不知道！但其實珊瑚藍，其實都是銀色嘅一種，只是反出來嘅光會呈現藍。版主會覺得黑色會比較襟睇與襟用，銀裡透藍，其實更易沾上手指紋，使用上不算好方便。

因為之前都是台灣版主與實習生 Wilson 試機，版主都係第一次接觸 Note 7，上手感覺係 5.7 吋屏幕，都可以做到很窄身，已沒有 Note 系列以往的巨大問題，但真係可以單手操控？版主隻手比較細，加上Samsung Menu 圖示預設在右面，左手揸機嘅話，跟本按不到。不過，曲邊造得越來越好，順滑好多，不妨礙操作。

▲ 珊瑚藍色的 NOTE 7。

▲其實都係玻璃機背，但反射出藍光，感覺比較特別。

▲ 連 S Pen 也帶點藍色。

▲ 香港版 Note 7 是雙卡雙待，不過有一個 SIM Slot 跟 MicroSD 是供用。

▲ 三星手機其實自上年起，已加入了 Slim Down 潮流，手機沒有多餘 App，亦跟 HTC 一樣，抽起了自家音樂播放器，用 Google Play Music 代替。裡面很多 App 都其實只係一個 Link，要你再真正下載才用到。不過，一些 Samsung 專用 Apps 如 S-Health 等，也會 Pre Load 係手機裡面。

▲ 版主隻手唔算大，單手操作係有點難度，左手揸機的話，只能剛剛按到「應用程式」掣。

▲有圖有實相，香港版 S820 支援 VoLTE、4G+3G 的雙卡雙待呀。

▲ 香港版有 4GB RAM，係 Kill 晒 App 之後，實際 1.9GB RAM 可用，香港版 Note 7 有 64GB ROM，而系統大約係 12GB，唔算細份，但不算很誇張，不竟 Note 7 比起普通 Android 手機的功能多很多。

▲ 香港版 Note 7 用上 S820 CPU，AnTuTU 跑分去到 14 萬，係 S820 CPU 手機上面，比較理想嘅分數。用來測手機 3D 效能嘅 PC Mark Sling Shot using ES3.1 得分 2538，比起 S7 Edge 還好，證明應付 3D 遊戲等，會有不錯表現。