就在剛剛，這位名為 Christy 的事主在 Facebook 上發了一段文字、8 張相片以及 1 條影片，從文字中 Christy 稱自己部 Note7 是老公送嘅，並表示「2 號攞機，3 號返衛訊問都話唔使回收」，點知到 9 月 19 日，即係今日，部 Samsung Note7 就爆炸。佢抱怨自己咁都中了 500 部入面嘅其中一部，並將多張 Note7 爆炸、機盒等相片放埋上 Facebook。
以下為事主 Facebook 上傳的相片以及影片 (按圖可放大)：
版主見狀立即跟進事件，從機盒上可以見到有一個 IMEI 碼，經過 Samsung 系統檢查之後，發現這 IMEI 碼「並不適用於香港及澳門地區的 Galaxy Note7 更換新機計劃」，原因有兩個：
1）事主 Note7 並非採用問題供應商提供的電池，即係唔係 500 部入面嘅其中一部。
2）事主 Note7 並非經香港及澳門特約零售商或特約經銷商購買。
但事主表示「3 號返衛訊」，應該案例屬於前者。那是否表示，非 500 部入面嘅 Note7 都照爆呢？版主稍後會再進一步跟進事件，對於是次事件，網友點睇呢？
