LG V20 攻勢太強？三星旗艦急清貨，價再劈！
無論係大舖抑或細舖，前排個市都靜得可怕，手機價格亦沒有太大的變幅。早前預計過，LG V20 開賣之後，應該會有一批旗艦手機會調整價格，而版主所講的已經應驗: Sony Xperia XZ 以及 X Compact 搶先劈價。不過唔知大家知唔知道，其實未等到 V20 開賣，大舖已經逼不急待將 Samsung 旗艦手機劈價，務求清貨。減價的主角是 Galaxy S7，原本一直企硬 $4498 有一段時間了，而家減了 $200，由建議零售價的 $5198，即減 $900，最新賣價為 $4298。這個價錢，網友會唔會考慮一下呢？至於 S7 Edge，則暫時保持原來的價錢，依然是 $4998。
▲ S7 大舖已經跌到落 $4298 的價位，而 S7 Edge 暫時就停留 $4998。網友覺得今次的減價，是因為受到 Note7 爆炸的影響，還是怕左 LG V20 呢？
以為細舖都會跟住減？S7 大舖、細舖同價?
大舖都調整了價錢，以為細舖都會跟住減？錯了！版主特地去了深水埗細舖，了解最新的行情。版主發現，細舖價錢的變動依然不大，三星 S7 (32GB) 仍然處於約 $4180 - $4280 的價位，即係同而家的大舖價幾乎一樣，而 S7 Edge 則只比大舖便宜 $100，賣緊約 $4880。至於網絡商方面，除了 csl. 改為 $4288 之外，其他同樣未見任何調整，CMHK、SmarTone 都仲係做緊 $4498，而電訊數碼就最貴，非客戶淨機價為 $4898。如果想買 S7 / S7 Edge，在大舖同細舖個價都差不多的情況下，相信大家都會考慮去大舖入手。大舖 $4298 這個價，過唔過到網友的心理關口呢？
▲ 細舖 S7、S7 Edge 價未有變，依然分別賣緊 $4280 以及 $4880。
Samsung Galaxy S7 (32GB) 在文章發表時，大舖賣價為 $4298，按這裡有詳細規格及最新賣價。
Samsung Galaxy S7 Edge (32GB) 在文章發表時，大舖賣價為 $4998，按這裡有詳細規格及最新賣價。
